طالبان حکومت نے پاکستان کو خط ، پروازیں بحال اور سول ایوی ایشن میں مدد کی درخواست

کراچی : امارات اسلامی افغانستان کی وزارت شہری ہوا بازی و ٹرانسپورٹ نے پاکستان سول ایوی ایشن اتھارٹی ( پی سی اے اے ) کو خط لکھا ہے کہ پاکستان کے لیے پروازیں بحال کرنے کی اجازت طلب کی ہے ۔

افغانستان کی فضائی حدود سے گزرنے اور داخل ہونے والے جہازوں کیلئے نیاہدایت نامہ جاری

افغان سول ایوی ایشن نے یہ خط سیکریٹری پاکستان سول ایوی ایشن شوکت علی کو لکھا ہے ۔ خطر میں افغانستان کی قومی ائیر لائنز ، آریانا افغان ائیر لائن ، اور دوسری ائیر لائن کی پاکستان سے شیڈول پروازوں کی اجازت مانگی گئی ہے ۔

خط کے مطابق افغانستان اور پاکستان کے درمیان پروازوں کی اجازت دونوں ملکوں کے مابین ایم او یو کی بنیاد پر مانگی گئی ہے ۔

عالمی ممالک حقیقت کو تسلیم کریں طالبان اب افغانستان کے حکمران بن چکے ہیں: افغان وزیر خارجہ

خط میں کہا گیا ہے کہ امریکی فوجیوں نے جاتے ہوئے کابل ائیرپورٹ کی تنصیبات تباہ کردی تھیں مگر اب ہمارے قطری بھائیوں نے ائیرپورٹ بحال کردیا ہے ۔

امارات اسلامیہ افغانستان نے پاکستان سی اے اے کو بذریعہ خط اطلاع دی ہے کہ کابل ائیرپورٹ بحال ہوگیا ہے ۔