افغان خواتین فٹبالرز اور کوچز کی لاہور آمد

تفصیلات کے مطابق  افغانستان کی خواتین  فٹبالرز اپنی فیملیز اور کوچز کے ہمراہ لاہور پہنچ گئیں ،  پی ایف ایف اور سپورٹس بورڈ پنجاب کے حکام نے دستے کا استقبال کیا ہے۔ افغانستان کی ویمن یوتھ اور کلب کے کھلاڑی  فیفا ہاؤس میں قیام کریں گے ۔ صدر پی ایف ایف  کا کہنا ہے کہ افغانی کھلاڑیوں اور ان کے سپورٹنگ اسٹاف کو خوش آمدید کہتے ہیں، افغانستان کے دستے کے قیام کے لئے تمام انتظامات مکمل ہیں۔ 

دوسری جانب وفاقی وزیر اطلاعات ونشریات فواد چوہدری نے سماجی رابطے کی ویب سائٹ ٹوئٹرپر پیغام  میں افغانستان کی خواتین فٹ بال ٹیم کو خوش آمدید کہا ۔ 

We welcome Afghanistan Women football team they arrived at Torkham Border from Afghanistan,The players were in possession of valid Afg Passport, pak visa, They were received by Nouman Nadeem of PFF

— Ch Fawad Hussain (@fawadchaudhry) September 14, 2021

یاد رہے کہ افغانستان کی خواتین فٹبالرز کادستہ طورخم بارڈر سے گزشتہ روز پاکستان داخل ہوا تھا ،  حکومت پاکستان نے انسانی بنیادوں پر ہنگامی طور 115 افراد کو ویزے جاری کیے  ہیں تاہم پہلے مرحلے میں 79 افراد پاکستان پہنچے  ہیں ۔