جمہوری نظام میں ہرشخص کوجواب دیناہوگا:اسد عمر

تفصیلات کے مطابق اسد عمر کا کہنا ہے کہ صحافت کےبغیرجمہوریت نہیں چل سکتی،روزانہ کی بنیادپرجھوٹی خبریں پھیلائی جارہی ہیں،جمہوریت کےفروغ کیلئےمیڈیاکوکرداراداکرناہوگا۔

ان کا کہنا تھا کہ جھوٹی خبر کو روکنا بھی اتھارٹی کی ذمہ دادی ہے ،ریگولیٹری ادارہ نہ ہو تو تمام ادارے اپنے فیصلے خود کریں گے،میڈیا کے اسٹیک ہولڈرز اور مالکان سے میڈیا کے مسئلے پر بات ہونی چاہیے۔

انہوں نے کہا ہے کہ پارلیمان کو ذاتی مفاد کیلئے استعمال کرنا جمہوریت نہیں ،آزاد صحافت کے بغیر جمہوریت نہیں ہوسکتی ، کسی کےپاس اختیار نہیں ہونا چاہیے کہ وہ صحافی کو سچ بولنے سے روکے۔

ان کا مزید کہنا تھا کہ پارلیمان میں قانون سازی پرسوال کرنا یہ اپوزیشن کا کام ہے ، این آر او دو گے تو قانون سازی ہوگی ورنہ نہیں، یہ جمہوریت نہیں ہے۔