طالبان کے ساتھ معاہدہ تھا کہ دو ہفتے تک کابل میں داخل نہیں ہوں گے ، زلمے خلیل زاد

کابل : امریکی مذاکرات کار زلمے خلیل زاد نے  نے غیر ملکی خبررساں ادارے کو انٹرویو میں کاہ کہ 14 اگست کو امریکہ اور طالبان کے درمیان معاہدہ ہوا کہ وہ کابل میں داخل نہیں ہوں گے ۔ 

زلمے خلیل زاد کا کہنا ہے کہ اس معاہدے کےد وران اقتدار کی متنقلی عمل میں آئی تھی ، لیکن اشرف غنی کے اچانک جانے سے طالبان کے ساتھ معاہدہ ٹوٹ گیا ۔ اشرف غنی کے ملک سے نکل جانے کے بعد یہ منصوبہ ناکام ہوگیا ۔ 

طالبان نے افغانستان کے عبوری وزیراعظم کی تازہ تصویر جاری کردی

ان کا کہنا تھاکہ اشرف غنی کے نکل جانے سے ملک میں امن و امان کا مسلہ ہوا ۔ طالبان نے اشرف غنی کے جانے کے بعد امریکہ سے کابل کی سیکیورٹی کی ذمہ داری لینے کا کہنا، جس پر امریکہ کا جواب تھا کہ ہم سیکیورٹی کی ذمہ داری نہیں لیں گے ۔ 

انہوں نے بتایا کہ صدر جوبائیڈن نے اصرار کیا تھا کہ امریکی فوجی صرف امریکیوں اور افغان اتحادیوں کو نکالنے کے لیے کام کریں گے اور امریکہ کی طویل ترین جنگ  میں مزید توسیع نہیں کریں گے ۔ 

طالبان نے امریکا پر امن معاہدے کی خلاف ورزی کا الزام عائد کردیا

انہوں نے کا کہ افغانستان میں امریکہ کے مزید قیام کے لیے کوئی آپشن نہیں ہے ۔ ہمیں ایک واضح تاثر دیا گیا ہے اگر امریکہ افغانستان میں موجودگی کو طول دینے کی کوشش کرتا ہے تو ہمارے سروس ممبرز دوبارہ طالبان تشدد کا نشانہ بن جائیں گے ۔ 

زلمے خلیل زاد نے جنگ کے اس طرح سے خاتمے کی ذمہ داری قبول نہیں کی انہوں  نے کہا ہے کہ افغانوں پر منحصر ہے کہ وہ امن معاہدے پر پہنچیں ۔

چین کا   افغانستان میں نئی طالبان حکومت کو تسلیم کرنے کا عندیہ

یاد رہے کہ افغان نژاد خلیل زاد، سابق صدر جارج ڈبلیو بش کی انتظامیہ میں ایک سینئر شخصیت رہے ہیں ، جنہیں ڈونلڈ ٹرمپ نے افغانستان سے انخلاء کے لیے مذاکرات کار کے معمور کیا تھا ۔ جوبائیڈن انتظامیہ نے انہیں عہدے پر برقرار رکھتے ہوئے مذاکرات کو جاری رکنے کا کہا تھا ۔