طالبان نے امریکا پر امن معاہدے کی خلاف ورزی کا الزام عائد کردیا

غیر ملکی خبر رساں ادارے کے مطابق افغان وزارت خارجہ نے ایک بیان میں کہا ہےکہ  پینٹاگون نے کچھ کابینہ ارکان اور حقانی خاندان کے بلیک لسٹ اور ٹارگٹ ہونے کا بیان دیا ہے، پینٹاگون کے بیان کو دوحہ معاہدے کی کھلی خلاف ورزی تصور کرتے ہیں۔

مزید پڑھیں: این سی او سی کا تعلیمی ادارےمزیدایک ہفتےبندرکھنےکافیصلہ

 افغان وزارت خارجہ نے کہا کہ   دوحہ معاہدے کی خلاف وزری امریکا اور افغانستان دونوں کے مفاد میں نہیں ہے۔

دوسری جانب   امریکی فوجی انخلا کے بعد امریکی شہریوں کے افغانستان سے نکالنے کی پہلی کمرشل پرواز پر اتفاق کرلیا گیا،  امریکی شہریوں سمیت 200 افراد کو قطر کی خصوصی پرواز پر ملک چھوڑنے کے لیے طالبان نے کلیئرنس دے دی ہے۔

غیر ملکی خبر رساں ادارے کے مطابق  ایئرپورٹ پر موجود کئی مسافروں نے قطر کے بعد اپنی منزل کینیڈا بتائی۔

قطری حکام کا کہنا ہےکہ  حامد کرزئی انٹرنیشنل ایئرپورٹ  90 فیصد آپریشنل کر دیا ہے، حامد کرزئی ایئرپورٹ پر قطر ایئر ویز کا بوئنگ 777 موجود، قطری اور افغان حکام نے ایئرپورٹ کا دورہ کیا۔