چین میں   ایک ارب آبادی کو کورونا ویکسین لگادی گئی

غیر ملکی خبررساں ادارے کے مطابق چینی وزارت صحت کا کہنا ہے کہ  اب تک ملک بھر میں ایک ارب سے زائد لوگوں کو کورونا ویکسین کی مکمل خوراکیں لگ چکی ہیں جو ملکی آبادی کا 72 فیصد بنتی ہیں۔ ملک بھر میں شہریوں کو کورونا ویکسین کی 2 ارب 16 کروڑ خوراکیں لگائی گئی ہیں۔

یہ اعلان اس وقت سامنے آیا ہے جب چین کو جنوب مشرقی صوبے فوجیان میں ڈیلٹا ویرینٹ  کی ایک نئی وبا کا سامنا ہے ، جہاں گزشتہ چھ دنوں میں 200 کیسز کی تصدیق ہوچکی ہے۔وائرس کو پھیلنے سے روکنے کی کوشش میں حکام نے متاثرہ محلوں ، اسکولوں اور تفریحی مقامات کو بند کر دیا ہے اور فوجیان سے باہر سفر کو محدود کر دیا ہے۔

چین  میں  جب بھی نئے کیسز سامنے آتے ہیں ، تو پابندیوں اور بڑے پیمانے پر ٹیسٹنگ کے ذریعے پھیلاؤ کو روک دیا ہے۔