تفصیلات کے مطابق   فائننشل ایکشن ٹاسک فورس کا 3 روزہ اجلاس ختم ہوگیا، فائننشل ایکشن ٹاسک فورس (ایف اے ٹی ایف ) نے پاکستان کو گرلے لسٹ میں برقرار رکھنا کا فیصلہ کیا ہے۔ترکی ، اردن اور مالی کو ایف اے ٹی ایف کی گرے لسٹ میں شامل کر دیا گیا، جبکہ بوٹسوانا اور ماریشش ایف اے ٹی ایف کی گرے لسٹ سے نکل گئے۔

ایف اے ٹی ایف کے مطابق پاکستان نے کئی اقدامات  کیے ہیں لیکن مزید اقدامات کی ضرورت ہے، پاکستان سے متعلق فیصلہ اتفاق رائے سے کیا۔ پاکستان نےنئےایکشن پلان پربہترعملدرآمدکیا ہے، پاکستان میں مانیٹرنگ کانظام بہترہواہے، پاکستان نے 27میں سے 26 اہداف پورےکیے۔

تفصیلات کے مطابق وزیراعظم عمران خان کی زیر صدارت پارٹی رہنماوں کا اجلاس ہوا ،اجلاس میں ملکی معاشی اور مہنگائی کی صورتحال کا جائزہ لیا گیا۔

ذرائع کا کہنا ہے کہ  کم آمدن والے افراد کو پیٹرولیم مصنوعات پر سبسڈی دینے کی تجویز پر غور کیا گیا ہے،  وزیراعظم کی کم آمدنی والوں کے لئے پیٹرول پر سبسڈی دینے پر پلان بنانے کی ہدایت  کردی ہے، موٹر سائیکل ، رکشہ اور عوامی سواری کو سبسڈی ریٹ پر پیٹرول دینے کا پلان اگلے پیش کیا جائیگا۔

ذرائع کے مطابق مہنگائی کم کرنے کے لیے ضلعی سطح پر کمیٹیاں بنانے کا فیصلہ کیا گیا ہے ،  یوٹیلٹی اسٹورز کے ذریعے کم آمدن والے افراد کو ٹارگیٹیڈ سبسڈی دینے کا بھی فیصلہ کیا گیا ہے۔

تفصیلات کے مطابق پشاور پولیس کی سب سے بڑی کارروائی،  تھانہ خزانہ کی حدود میں قائم تین آئس فیکٹریاں سیل کردی گئیں ،  فیکٹریوں سے کروڑوں روپے مالیت کی منشیات برآمد کی گئی ہیں، آئس فیکٹریاں رہائشی مکانات میں قائم کی گئیں تھیں، فیکٹریوں میں آئس اور نشہ آور گولیاں تیار کی جاتی تھیں،تیاری کے بعد منشیات ملک بھر سمیت باہر ممالک کو بھی سمگل کی جاتی تھیں۔

پولیس نے   کارروائی کے دوران ایک خاتون سمیت چار ملزمان  کوگرفتار کیا ہے،ملزمان نے مذموم مقاصد کی تکمیل کی خاطر تھانہ خزانہ کی حدود مقصود آباد میں کرائے پر مکان حاصل کئے تھے۔

فیکٹریوں سے پانچ کلو گرام سے زائد آئس برآمد ہوئی ہے،جبکہ  ایک لاکھ 46 ہزار سے زائد نشہ آور گولیاں برآمد ہوئیں ہیں ، 126 کلو گرام سے زائد کیمیکل خام مال بھی برآمد، خام مال سے منشیات تیاری کے آخری مراحل میں تھی۔

 لاکھوں روپے مالیت کی ہیروئن اور بھاری مشینری بھی پولیس تحویل میں لے لی گئی ہے،   ملزمان کے قبضہ سے دھندہ رقم 9 لاکھ 13 ہزار روپے بھی برآمد ہوئی ہے،  منشیات سپلائی میں استعمال ہونے والی دو قیمتی گاڑیاں اور تین موٹر سائیکل بھی برآمد ہوئیں ہیں ،فیکٹریوں سے کلاشنکوف اور رائفل بھی برآمد ہوئی ہے۔

پولیس کا کہنا ہے کہ  ملوث ملزمان نے پورے نیٹ ورک کی نشاندہی کرا دی ہے۔ دیگر ملزمان کی گرفتاری کے لئے ڈی ایس پی گران اللہ کی سربراہی میں خصوصی ٹیم تشکیل دے دی گئی ہے۔