شلپا شیٹھی کی طلاق ، اہم شخصیت نے بڑی پیشگوئی کردی

بالی وڈ فلمی ناقد کمال راشد خان المعروف 'کے آر کے' ان دنوں بھارتی فلم انڈسٹری سے متعلق پیش گوئیاں کرتے رہتے ہیں اور اب ان کی جانب   بالی وڈ اداکارہ شلپا شیٹی کی ازدواجی زندگی ختم ہونے سے متعلق اہم پیش گوئی کی گئی ہے۔ کے آر کے نے  سماجی رابطے کی ویب سائٹ ٹوئٹر پر شلپا شیٹی کے حوالے سے ایک ٹویٹ  میں کہاکہ وہ جلد ہی اپنے شوہر راج کندرا سے طلاق لے لیں گی۔

Prediction 31- Actress #ShilpaShetty will get divorce from #Rajkundra in near future!!

— KRK (@kamaalrkhan) September 17, 2021

خیال رہے کہ شلپا شیٹھی کے شوہر راج کندرا آجکل قابل اعتراض فلموں کے کیس میں پولیس کی حراست میں ہیں ۔ اس سے قبل کے آر کے اداکارہ پریانکا چوپڑا اور نک جونس کی طلاق کی بھی پیشگوئی کرچکے ہیں لیکن انکی پیشین گوئی سچ ثابت نہیں ہوئی ۔

واضح رہے کہ راج کندرا کو جولائی میں فحش فلمیں بنانے کے کیس میں گرفتار کیا گیا تھا جس پر شلپاشیٹھی نے اپنا بیان ریکارڈ کروایا تھا کہ انہیں شوہر کے بزنس کے حوالے سے کوئی علم نہیں اور نہ وہ ان سے آنیوالے پیسوں کے بارے میں جانتی ہیں ۔بھارتی میڈیا کے مطابق شلپا شیٹھی کے شوہر راج کندرا جب سے  کیس میں گرفتار ہوئے ہیں تب سے شلپا شیٹھی کی مشکلات کم ہونے کے بجائے مزید بڑھتی جا رہی ہیں۔