سندھ حکومت نے 22 ستمبر بروز بدھ عام تعطیل کا اعلان کردیا

سندھ حکومت کی جانب سے جاری نوٹفیکیشن کے مطابق صوفی شاعر شاہ عبدالطیف بھٹائی کے عرس پر سندھ  بھر میں 22 ستمبر کو عام تعطیل ہوگی ۔

شاہ جورسالو ک ذریعے پوری دنیا کو امن کا پیغام دینے والے صوفی بزرگ شاہ عبداللطیف بھٹائی نے 1689 میں ضلع مٹیاری کے تعلقہ ہالا میں سید حبیب شاہ کے گھر میں آنکھ کھولی ۔ 

آپ کے صوفیانہ کلام میں امن اور محبت کا درس ، دنیا سے بے رغبتی اور عشق حقیقی کی تڑپ صاف نظر آتی ہے ۔ ہر سال ماہ صفر کی 14 تاریخ کو بھٹ شاہ میں آپ کا تین روزہ عرس منایا جاتا ہے جس کے دوران مختلف پروگرام اور سیمینارزکا انعقاد کیا جاتا ہے ۔ 

اس موقع پر میلہ بھی لگتا ہے اور تینوں دن مزار پر محفل سماں جاری رہتی ہے ، جس میں عبداللطیف بھٹائی سے منسوب ساز طنبورا بجایا جاتا ہے ۔