ٹیکس لگانا ہےتوعمران خان اپنےامیردوستوں پرلگائیں جنہیں اربوں کھربوں کی چھوٹ دی گئی:بلاول بھٹو

تفصیلات کے مطابق بلاول بھٹو کا کہنا ہے کہ عمران خان نے مہنگائی کوپاکستان کے عوام کا سب سے بڑا مسئلہ بنادیا،قوم فیصلہ کرلے مہنگائی سے نجات چاہئےتو پی ٹی آئی حکومت کو گھر بھیجنا ہوگا،مہنگائی کیخلاف عوام کمر کس کر باہر نہ نکلی توعمران خان کے عوام پر حملے نہیں رکیں گے۔

ان کا کہنا ہے کہ 10ہزار کے بل پر 5اور 20 ہزار کے بلوں پر 10فیصدانکم ٹیکس مسترد کرتےہیں،بجلی کے 30 ہزار روپے تک کے بلوں پر 20 فیصد جبکہ 40 ہزار روپے تک کے بلوں پر 20فیصد انکم ٹیکس مہنگائی کا ‏ایک نیا طوفان لائے گا۔

بلاول بھٹو کا کہنا ہے کہ پیٹرول کے بعد بجلی کی قیمتیں بڑھنے سے فیکٹریوں کی پیداواری لاگت میں ہونے والا اضافہ عام آدمی کے بجٹ کو مزید ‏متاثر کرے گا۔

ان کا مزید کہنا ہے کہ عوام موبائل فون کارڈ سے لے کر گروسری کی اشیاء تک بلواسطہ ٹیکسوں کی صورت میں پہلے ہی اربوں روپے قومی ‏خزانے میں جمع کروارہے ہیں۔