اسٹیٹ بینک نے مانیٹری پالیسی کا اعلان کردیا

تفصیلات کے مطابق اسٹیٹ بینک آف پاکستان  نے  آئندہ دو ماہ  کیلئے مانیٹری پالیسی کا اعلان کردیا ہے۔

سماجی رابطے کی ویب سائٹ ٹوئٹر پر ایک ٹویٹ  میں    اسٹیٹ بینک آف پاکستان   نے لکھا ہے کہ شرح سود میں25بیسسز پوائنٹس کا اضافہ کردیا گیا ہے،جس کے بعد  بنیادی شرح سود 7 فیصد سے بڑھ کر 7.25 پوائنٹس ہوگئی ہے۔

MPC of #SBP decided to raise the policy rate by 25bps to 7.25%. See the statement at https://t.co/l51tMR5BqA

— SBP (@StateBank_Pak) September 20, 2021

خیال رہے کہ  28 جولائی  2021کو اسٹیٹ بینک نے شرح سود 7 فیصدرکھنے کا اعلان  کیا تھا۔گورنر اسٹیٹ بینک رضا باقر کا پریس کانفرنس میں  کہنا تھا  کہ مسلسل پانچویں بارپالیسی ریٹ کومستحکم رکھاگیا ہے۔ مہنگائی کی شرح میں 2فیصدکمی ریکارڈکی گئی ہے۔ جون میں مہنگائی کی شرح8.9فیصدرہی اور کورونا وبا اورلاک ڈاؤن کےدوران بھی معاشی اعشاریئے بہتر ہیں ،کرنٹ اکاؤنٹ خسارہ ایک اعشاریہ8ارب ڈالر پرٹریڈ کر رہا ہے۔

ان کا کہنا تھا کہ بروقت اور بہتر فیصلوں کے باعث معیشت میں استحکام دکھائی دے رہا ہے۔ افراط زر کی شرح 9.7سے کم ہوکر 8.7فیصد ہوگئی ہے۔ کرنٹ اکاوَنٹ خسارے کی بجائےسرپلس ریکارڈ ہوا۔ ڈسکاؤنٹ ریٹ نہ بڑھانے سےانڈسٹریزکو فائدہ ہوگا۔ایکسپورٹ میں13.7فیصد کا اضافہ ہوا اور مزید بڑھنے کی امید ہے۔

گورنر سٹیٹ بینک کا کہنا  تھا کہ جاری کھاتوں کا خسارہ 10 سال کی کم ترین سطح پرہے۔  پالیسی ریٹ اس وقت مہنگائی کی شرح سے کم ہے ڈالرکی قیمت میں اتارچڑھاؤ دیکھا گیا ہے۔ 2 سال پہلے اور آج کا ایکس چینج ریٹ تقریبا برابر ہے۔