دورہ پاکستان کے حوالے سےانگلینڈ کرکٹ بورڈ آج فیصلہ کرے گا

تفصیلات کے مطابق کھلاڑیوں اور بورڈ آفیشلز آپس میں دورہ پاکستان کے حوالے سے مشاورت کرینگے۔

ترجمان انگلینڈ کرکٹ بورڈ کا کہنا ہے کہ آج دورہ پاکستان کے حوالے سے باقاعدہ اعلان کرینگے۔

واضح رہے کہ انگلینڈ کرکٹ بورڈ نے دورہ پاکستان میں دو ٹی ٹوئنٹی میچز پر مشتمل سیریز کھیلنی ہے، پہلا میچ 13 اکتوبر جبکہ دوسرا ٹی ٹوئنٹی 14 اکتوبر کو شیڈول ہے۔

دوسری جانب نیوزی لینڈ کے کپتان کین ولیمسن نے ایک انٹرویو میں  دورہ پاکستان کی منسوخی کو شرمناک قرار دیتے ہوئے کہا کہ مجھے زیادہ تفصیلات نہیں پتا،لیکن یہ اچانک ہوا، پاکستان میں کرکٹ کو بہت پسند اور سپورٹ کیا جاتا ہے،مجھے اندازہ ہے پاکستان کے لوگوں کو دورے کی منسوخی سے مایوسی ہوئی ہوگی۔

انہوں نے مزید کہا کہ مجھے امید ہے تمام ملک اپنی کرکٹ اپنے ہی ملک میں کھیلیں گے،نیوزی لینڈ ٹیم کا وہاں جانا ایک اچھا قدم تھا  اور سب کرکٹ کھیلنے کیلئے تیار تھے۔ ان کی حکومت کا فیصلہ کھلاڑیوں کیلئے ہی کیا گیا ہے۔ ولیمسن نے کہاکہ کیوی کپتان دورے کی منسوخی  طویل المیعادنہیں ہوگا ۔  کیوی کپتان نے پاکستان کی حوصلہ افزائی کرتے ہوئے کہاکہ  پاکستان کرکٹ کھیلنے کیلئے ایک خصوصی جگہ ہے ، انٹرنیشنل کرکٹ کی واپسی کیلئے پاکستان نے بے پناہ اقدامات کیے ہیں اور امید کرتا ہوں کہ وہاں مزید کرکٹ ہوگی۔