جے یو آئی ف کے رکن صوبائی اسمبلی رنجیت سنگھ رکشے میں اسمبلی پہنچے

صحافی نے رکن صوبائی اسمبلی سے سوال کیا کہ آپ رکشے میں کیوں آئے ہیں؟۔رنجیت سنگھ نے جواب دیا کہ پیٹرول کے پیسے نہیں ہیں، گاڑی ایم پی اے ہاسٹل میں کھڑی کردی ہے۔

انہوں نے کہا کہ پیٹرول کی قیمت میں اضافہ سے رکشے کا کرایہ بھی بڑھ گیا۔

یاد رہے گزشتہ ہفتے پیٹرول کی قیمت میں 5 روپےجبکہ ڈیزل کی قیمت میں 5روپے 1پیسہ فی لیٹر اضافہ کیا گیا ہے ۔

پٹرول مصنوعات کی قیمت میں اضافے کے بعد 5روپےایک پیسے اضافےسےڈیزل کی نئی قیمت 120روپے 4پیسے ہوگئی،مٹی کا تیل 5روپے46 پیسےمہنگا ہوکر 92روپے 26پیسے فی لیٹرہوگیا،لائٹ ڈیزل آئل 5روپے 92پیسے مہنگا ہوکر 90 روپے 69 پیسے فی لیٹر ہوگیا۔

آئل اینڈ گیس ریگولیٹری اتھارٹی( اوگرا) نے پیٹرول کی قیمت  1 روپے بڑھانے کی تجویز دی تھی تاہم حکومت کی جانب سے  پیٹرول لیوی ساڑھے3 روپےبڑھادی گئی ۔