نیب نے مریم نواز کو 2مارچ کو طلب کر لیا

 ترجمان نیب نے مریم نواز کو طلبی کی تصدیق کر دی۔ ترجمان نیب کی جانب جاری بیان کے مطابق نیب نے مریم نواز کو جاتی امرا اراضی کیس میں دو مارچ کو طلب کیا ہے ۔ انہوں نےبتایا کہ مریم نواز کو تین رکنی جوائنٹ انویسٹی گیشن ٹیم کے روبرو پیش ہونے کی ہدایت گئی ہے۔ 

واضح رہے کہ نیب مریم نواز کی اراضی کے متعلق تفتیش کر رہا ہے۔ مریم نوازپر رائیونڈ میں خلاف قانون اراضی سستے داموں خریدنے کا الزام ہے۔ نیب نےمریم نوازسےایک ہزار440کنال اراضی پرجواب طلب کیا تھا۔

نیب نے مریم نواز سے پوچھا ہےکہ زمین خریدنے کیلئے رقم کہاں سے آئی۔ اراضی کی خریداری پرکتنا ٹیکس اورکتنی ڈیوٹی دی۔ ایک ہزار400کنال میں سےاگرکوئی زمین فروخت کی گئی تواسکی تفصیلات بھی فراہم کریں۔ بتایا جائے حاصل کی گئی زمین کس مقصد کےلیےاستعمال کی جارہی ہے۔