قومی ٹی ٹوئنٹی کپ :  فائنل میں آج  خیبرپختونخوا اور سینٹرل پنجاب مدمقابل 

تفصیلات کے مطابق  فائنل آج شام ساڑھے 7 بجے قذافی اسٹیڈیم لاہور میں کھیلا جائے گا۔ شائقین  کرکٹ فائنل میچ  دیکھنے کیلئے بے تاب ہیں ، دونوں ٹیمیں گزشتہ روز سیمی فائنل میں اپنے حریفوں کو شکست دے کر آج فائنل کیلئے میدان میں اُتر یں گی ۔

گزشتہ روز قذافی اسٹیڈیم میں کھیلے گئے ایونٹ کے پہلے سیمی فائنل میں خیبر پختونخوا نے ناردرن کو 5 وکٹ سے ہرا کر فائنل کے لیے کوالیفائی کیا تھا ۔دوسرے سیمی فائنل میں سینٹرل پنجاب نے سندھ کو 7 وکٹ سے شکست دے کر فائنل میں اپنی جگہ بنائی۔ خیبر پختونوخواہ نے ٹاس جیت کر پہلے بولنگ کا فیصلہ کیا جو کہ درست ثابت ہوا ۔ 

خیبر پختونخواہ کی جانب سے ارشد اقبال نے 3 جبکہ افتخار احمد، خالد عثمان اور محمد عمران نے ایک ایک وکٹ حاصل کی ہے۔

ہدف کے تعاقب میں خیبر پختونوخواہ کے صاحبزادہ فرحان نے 39 گیندوں پر 135.9 کے ‏اسٹرائیک ریٹ سے 53 رنز اسکور کرکے اپنی ٹیم کو مضبوط آغاز فراہم کیا۔ ‏صاحبزادہ فرحان کی اننگز کی میں 7 چوکے اور ایک چھکا شامل تھا‏۔

 کامران غلام نے 120 کے اسٹرائیک ریٹ سے 35 ‏رنز بنائے افتخار احمد کی 45 رنز کی دھواں دھار اننگز نے میچ کا پانسہ پلٹ دیا، انہوں نے 4 چوکے اور 3 ‏چھکے لگا کر کے پی کو فائنل میں پہنچا دیا۔‏

انہوں نے 17 گیندوں پر 4 چوکے اور 3 چھکے داغ کر 45 رنز کی ناقابل شکست اننگز کھیلی۔