6 سالہ بچی سے جنسی زیادتی کے مجرم کو سزائے موت    سنادی گئی

تفصیلات کے مطابق میر پور آزاد کشمیر میں 6 سالہ بچی کے ساتھ زیادتی کرنے والےمجرم کو عدالت نے موت کی سزا سنا دی ۔ کیس کا فیصلہ ایڈیشنل سیشن کورٹ  میرپور کے جج جہانگیر جرال نے سنایا۔ عدالت نے نامزد مجرم محمد رمضان کو سزائے موت سناتے ہوئے 20 لاکھ روپے جرمانہ کی ادائیگی کا حکم بھی سنایا ۔

اس اہم  مقدمہ کی سماعت  کو 2 ماہ کے اندر  مکمل کرتے ہوئے متاثرہ بچی کو انصاف کی فراہمی کو یقینی بنایا گیاہے ۔

9جون 2021 کو تھانہ منگلا کی حدود میں 6 سالہ بچی  کو  ملزم نے زبردستی زیادتی کا نشانہ بنایا تھا ۔ استغاثہ کی طرف سے پیروی آصف ایڈووکیٹ APP گوہر عباس ایڈووکیٹ نے کی۔ میرپور آزاد کشمیرعوامی حلقوں کی جانب سے اس قدر جلد انصاف کی فراہمی پر مسرت کا اظہار کیا  گیا ہے ۔