ٹی 20 ورلڈ کپ کے تمام سات مقابلوں میں شامل ہونے والے6 خوش نصیب کرکٹرز کون

تفصیلات کے مطابق ٹی ٹوئنٹی ورلڈ کپ کا یہ ساتواں ایڈیشن ہونےجارہا ہے, اب تک اس کے چھ ایڈیشن ہو چکے ہیں۔ ٹی ٹوئنٹی ورلڈ کپ کا پہلا ایڈیشن سال 2007 میں جنوبی افریقہ منعقد ہوا، اس ایڈیشن کی قابل ذکر بات یہ ہے کہ بھارت نے جوہانسبرگ کے وانڈررز اسٹیڈیم میں فائنل میں پاکستان کو 5 رنز سے شکست دے کر افتتاحی ٹورنامنٹ جیتنے میں کامیابی حاصل کی۔

دریں اثنا ، ٹی ٹوئنٹی ورلڈ کپ کا تازہ ترین ایڈیشن سال 2016 میں منعقد ہوا جس میں ویسٹ انڈیز نے انگلینڈ کو 4 وکٹوں سے شکست دے کر ٹائٹل اپنےنام کیا۔

ٹیم ویسٹ انڈیز ٹورنامنٹ میں اب تک کی سب سے کامیاب ٹیم رہی ہے کیونکہ وہ دو ٹائٹل جیتنے میں کامیاب ہوئی ایک 2012 اور دوسرا 2016 میں۔ ٹورنامنٹ میں ابتک سب سے زیادہ رنز بنانے والے مہیلا جےوردنےجبکہ سب سے زیادہ وکٹیں لینے والے باؤلرشاہد آفریدی ہیں۔ یاد رہے کہ یہ دونوں کھلاڑی ریٹائر ہو چکے ہیں۔

خیال رہے کہ چند کھلاڑیوں نے ٹی 20 ورلڈ کپ کے تمام ایڈیشن کھیلے ہیں اور وہ ایک بار پھر 7 ویں ایڈیشن میں نظر آئیں گےان کھلاڑیوں میں انڈین کرکٹر روہت شرما، بنگلادیشی کرکٹر شکیب الحسن، محموداللہ، مشفیق الرحیم، ویسٹ انڈیز آلراؤنڈر ڈوین براؤ اور جارحانہ مزاج رکھنے والے ویسٹ انڈیز اوپنرکریس گیل شامل ہیں۔

یاد رہے کہ ٹی 20 ورلڈ کپ کے ساتویں ایڈیشن کا آغاز  17اکتوبر سے متحدہ عرب عمارات میں ہو رہا ہےایونٹ کا فائنل 10 نومبر کو کھیلا جائے گا۔