چین کا ہائیپرسانک میزائل کا تجربہ، امریکی انٹیلی جنس حیرت میں

غیر ملکی خبر رساں ادارے  کی  رپورٹ میں کئی ذرائع کا حوالہ دیتے ہوئے کہا گیا ہے کہ بیجنگ نے اگست میں ایک ایٹمی صلاحیت کا میزائل لانچ کیا تھا، بیجنگ نے اگست میں جوہری صلاحیت رکھنے والا ایک میزائل خلا میں داغا تھا جو نچلے مدار میں کرہ ارض کے گرد گھوم کر اپنے ہدف کی طرف بڑھا تھا۔

ایف ٹی ذرائع نے بتایا کہ ہائپرسونک گلائیڈ گاڑی لانگ مارچ راکٹ کے ذریعے لی گئی تھی ،  اس طرح کی لانچ کا عام طور پر اعلان کیا جاتا ہے ،لیکن  اگست کے ٹیسٹ کو خفیہ رکھا گیا۔

رپورٹ میں مزید کہا گیا کہ ہائپرسونک ہتھیاروں کے حوالے سے چین کی پیش رفت نے امریکی انٹیلی جنس کو حیران کر دیا۔اطلاعات کے مطابق یہ میزائل ایٹمی ہتھیار پہنچا سکتا ہے اور آواز کی رفتار سے پانچ گنا زیادہ اڑ سکتا ہے۔ تاہم پینٹاگون نے ایف ٹی رپورٹ پر فوری طور پر کوئی جواب نہیں دیا۔

چین کے علاوہ امریکہ ، روس اور کم از کم پانچ دیگر ممالک اس ٹیکنالوجی پر کام کر رہے ہیں۔

یو ایس کانگریس ریسرچ سروس (سی آر ایس) کی ایک حالیہ رپورٹ کے مطابق ، چین جارحانہ انداز میں ٹیکنالوجی تیار کر رہا ہے ۔