حکومتی غیرملکی قرضوں کی رپورٹ جاری کردی گئی

تفصیلات کے مطابق محکمہ خزانہ کی جانب سے   جاری کردہ رپورٹ میں بتایا گیا ہے کہ حکومت نے جولائی سے جنوری 6.7 ارب ڈالر کے غیر ملکی قرضے لئے ہیں ، جبکہ صرف ماہ جنوری میں حکومت نے 96 کروڑ ڈالر کے غیر ملکی قرضے لئے گئے ہیں۔ رواں مالی سال کی ششماہی  تک لئے جانے والے غیرملکی قرضے گزشتہ مالی سال سے 6 فیصد زائد ہیں ۔  رواں مالی سال کل 12 ارب 23 کروڑ ڈالر سے زائد کا قرض لینا ہے۔ مجموعی قرضوں کا 13 فیصد پروجیکٹ فنانسنگ میں استعمال ہوگا تاہم اب تک لئے گئے غیر ملکی قرضے میں سے 1.6 ارب ڈالر سے زائد بجٹ سپورٹ کیلئے ہے۔

رپورٹ میں مزید بتایا گیا ہے کہ حکومت نے جنوری میں 67.5 کروڑ ڈالر کے مہنگے قرضے تجارتی بینکوں سے حاصل کئے جبکہ ایشیائی ترقیاتی بینک سے 1ارب 13 کروڑ 10 لاکھ ڈالر قرض لیا گیا اور عالمی بینک سے 83 کروڑ ڈالر کا قرض لیا گیا ہے۔ امریکہ نے پاکستان کو 7 کروڑ 44 لاکھ ڈالر قرض فراہم کیا  ہے جبکہ   فرانس نے پاکستان کو 3 کروڑ 48 لاکھ ڈالر اور چین نے 9 کروڑ 54 لاکھ ڈالر دیئے ہیں ۔