انٹر بینک میں ڈالر 69 پیسے مہنگا ہوگیا

اسٹیٹ بینک کے مطابق انٹر بینک میں کاروبار  کے  اختتام پر  ڈالر 69 پیسے مہنگا ہوگیا ہے ۔انٹر بینک میں ڈالر 173 روپے سے بھی تجاوز کرگیا۔

Interbank closing #ExchangeRate for today: https://t.co/aMRON4bWAe pic.twitter.com/5BafBcQHSn

— SBP (@StateBank_Pak) October 20, 2021

اسٹیٹ بینک  کی جانب سے جاری کردہ اعدادو شمار کے مطابق انٹر بینک میں ڈالر 172.78 روپے سے بڑھ کر 173.47 روپے کی نئی بلند ترین سطح پر بند ہوا۔

گزشتہ روز  انٹر بینک میں ڈالر ایک روپے 59 پیسے مہنگا ہو کر 172 روپے77 پیسے پربند ہوا  تھا۔ ایک موقع پر انٹر بینک میں ٹریڈنگ کے دوران ڈالر 173 روپے 20 پیسے پر بھی دیکھا گیا تھا۔

اسٹاک ایکسچینج: 

پاکستان اسٹاک ایکسچنج میں کاروبار کا اختتام  پرکاروبار ہفتے کے تیسرے روز تیزی کا رجحان رہا۔ انڈیکس میں اختتام پر  870 پوائنٹس کا اضافہ ہوا ہے، انڈیکس میں آج 45 ہزار کی نفسیاتی حد بحال ہوگئی۔ 100 انڈیکس 45 ہزار 499 پوائنٹس کی سطح پر بند ہوا ہے۔

سونے کی قیمت: 

سونے کی قیمت میں اضافہ ہوگیا،  فی تولہ سونا 2500 روپے مہنگا ہوکر 122200 روپے کا ہوگیا۔فی 10 گرام سونا 2144 روپے اضافے سے 104767 روپے پر پہنچ گیا۔

عالمی مارکیٹ میں سونا 40 ڈالر اضافے سے 1781 ڈالر فی اونس میں فروخت ہوا۔