لاہور: فیکٹری میں بوائلرز پھٹنے سے دھماکہ 

تفصیلات کے مطابق اعوان ٹاون کے قریب جوس بنانے والے فیکٹری میں بوائلر پھٹنے سے خوفناک دھماکوں کی فوٹیج منظر عام پر آگئی ، پہلا دھماکہ صبح 7 بج کر 20 منٹ پر  جبکہ دوسرا  اور شدت میں بڑا دھماکہ 7 بج کر 30 منٹ پر ہواجس کے بعد اگ کے شعلے بڑھک اٹھے۔ آگ کے باعث فیکٹری میں موجود مشینری اوردیگرسامان جل گیا، دھماکوں کی شدت سے فیکٹری کی دیوار گر گئی اور قریبی گھڑوں کو بھی نقصان پہنچا ۔

ریسکیو ذرائع کے مطابق بوائلر دھماکے کی آواز سے سڑک پر موجودشہری یاسین گھبرا کر ٹریکٹر ٹرالی سے ٹکرا کر ہلاک  ہوگیا۔

ریسکیو ذرائع کے مطابق آتشزدگی سے فیکٹری کا ملازم شبیر احمد جھلس گیا، جسے طبی امداد کے لئے ہسپتال منتقل  کیا گیا،  دھماکوں سےقریبی مکانوں کو بھی نقصان  پہنچا ، متاثرین کا کہنا تھا دھماکے سےپورے علاقے میں خوف ہراس پھیل گیا۔وزیر اعلی عثمان بزدار نے فیکٹری میں واقعہ کی تحقیقات کا حکم دے دیا  ہے۔