پی سی بی کی ویسٹ انڈیز ویمن کرکٹ ٹیم کے دورہ پاکستان کی تصدیق

تفصیلات کے مطابق پاکستان کرکٹ بورڈ  نے ویسٹ انڈیز ویمن کرکٹ ٹیم کے دورہ پاکستان کی تصدیق کردی ہے۔جویریہ خان قومی ویمن کرکٹ ٹیم کی قیادت کریں گی ، تین میچز پر مشتمل ون ڈے سیریز کا پہلا میچ 8 نومبرکونیشنل اسٹیڈیم میں کھیلا جائے ،  سیریز کا دوسرا مقابلہ 11 اور تیسرا مقابلہ 14 نومبرکوشیڈول ہے ۔ویسٹ انڈیز ویمن کرکٹ ٹیم یکم نومبر کوکراچی پہنچے گی۔

چیئرمین پی سی بی رمیز راجہ  نے کہا ہے کہ ویسٹ انڈیزویمن کرکٹ ٹیم کی پاکستان آمد خوش آئند ہے، ویمن کرکٹ کا پول مزید بڑھا رہے ہیں، خواتین جتنے میچز کھیلیں گی ان کے کھیل میں نکھار آئے گا ، کوشش ہوگی کہ ویمن کرکٹ ٹیم کیلیے مزید بین الاقوامی دورے بڑھائیں ۔انہوں نے کہا کہ ویمن کرکٹ ٹیم کا اس لیے بھی اہم ہے کہ ویسٹ انڈیز کی مینز ٹیم نے بھی آنا ہے، آسٹریلوی کرکٹ ٹیم نے بھی دورہ پاکستان کرنا ہے، پی ایس ایل کا انعقاد بھی ہوگا۔