ٹی ٹوئنٹی ورلڈ کپ: بنگلا دیش نے پاپوا نیو گنی کو  84 رنز سے ہرا دیا

تفصیلات کے مطابق  ٹی ٹوئنٹی ورلڈ کپ 2021 کا نواں میچ آج بنگلہ دیش اور پاپوانیوگنی کے درمیان کھیلا گیا۔پہلے کھیلتے ہوئے بنگلہ دیش کی ٹیم نے  7وکٹوں کے نقصان پر 181رنز بنائے تھے۔ پاپوا نیو گنی کی ٹیم 182 رنز کے تعاقب میں 97   رنز بنا کر ڈھیر ہوگئی۔ بنگلا دیش نے پاپوا نیو گنی کو  84 رنز سے شکست دی۔ بنگلادیش نے ٹی ٹوئنٹی ورلڈ کپ کے سُپر 12 مرحلے کیلئے کوالیفائی کرلیا۔

Bangladesh storm into the Super 12s with a massive win against Papua New Guinea!#BANvPNG | #T20WorldCup

— ESPNcricinfo (@ESPNcricinfo) October 21, 2021

بنگلادیش نے ٹاس جیت کر پہلے بیٹنگ کرنے کا فیصلہ کیا  تھا، بنگلا دیش کی جانب سے محمود اللہ نے سب سے زیادہ 50 رنز بنائے جب کہ شکیب الحسن 46 رنز کے ساتھ نمایاں رہے۔

پاپوا نیوگنی  کی جانب سے  اس کے 9 بیٹسمین ڈبل فگرز میں بھی داخل نہ ہوسکے۔  پاپوا نیوگنی کے کپلن دوریگا 46 رنز بنا کر نمایاں رہے۔

پاپوا نیوگنی کے بووا موریا، ڈیمئن راوو اور کپتان اسد والا نے دو دو کھلاڑیوں کو آؤٹ کیا جب کہ سائمن اٹائی ایک وکٹ حاصل  کرسکے۔