آرمی چیف  سے جی ایچ کیو میں کینیڈین ہائی کمشنر کی ملاقات ، آئی ایس پی آر

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق  آرمی چیف جنرل قمرجاوید باجوہ سے جی ایچ کیو میں کینیڈین ہائی کمشنر کی ملاقات ہوئی ہے، ملاقات میں باہمی دلچسپی کے امور،مختلف شعبوں میں تعاون بڑھانے پر تبادلہ خیال کیا گیا ہے۔

آئی ایس پی آر کا کہنا ہے کہ  ملاقات میں باہمی دلچسپی کے امور، دو طرفہ تعاون، اور افغانستان کی صورتحال بشمول امن و سلامتی کے امور پر گفتگو کوئی۔

آرمی چیف جنرل قمر جاوید باجوہ نے کہا ہے کہ  پاکستان کینیڈا کے ساتھ دو طرفہ بات چیت اور مختلف جہتی  تعلقات کی روایت جاری رکھنے کا خواہاں ہے۔آرمی چیف نے اس بات کا اعادہ کیا کہ افغانستان میں عالمی سطح پر ہم آہنگی کی ضرورت ہے تاکہ افغان عوام کی معاشی ترقی کے لیے مربوط کوششوں کے ساتھ مل کر انسانی بحران سے بچا جا سکے۔

آئی ایس پی آر کے مطابق  مہمان خصوصی نے افغان  صورتحال میں  پاکستان کے انخلا کے  کامیاب آپریشن کو سراہا اور دونوں ممالک کے درمیان بہتر تعلقات کے لیے کام جاری رکھنے کا عہد کیا۔