الیکشن کمیشن کا کے پی کے میں پہلے مرحلے کے بلدیاتی انتخابات کے شیڈول کا اعلان

الیکشن کمیشن نے خیبرپختو نخوا میں بلدیات انتخابات کے لیے شیڈول جاری کردیا، یکم نومبر سے بلدیاتی انتخابات کے لیے کاغذات کی وصولی کا سلسلہ شروع ہوگا ۔

الیکشن کمیشن کا کہنا ہے کہ  کاغذات نامزدگی جمع کرنے کے لیے 8نومبر آخری تاریخ ہوگی، کاغذات نامزدگی 22 نومبر تک واپس لی جاسکتی ہیں، امیدواروں کی ختمی فہرست،انتخابی نشانات،23 نومبر کو ہوگی۔

الیکشن کمیشن کے مطابق صوبے میں پہلے مرحلے میں 17 اضلاع میں بلدیاتی انتخابات ہونگے، 19 دسمبر کو 17 اضلاع میں بلدیاتی انتخابات ہونگے۔اضلاع میں ملاکنڈ،باجوڑ،مردان ،صوابی،پشاور،نوشہرہ،کوہاٹ ،کرک،ڈی آئی خان شامل   ہیں ، اس کے علاوہ  بنوں،ٹانک ،ہری پور،خیبر،مہمند،چارسدہ،ہنگو اور لکی مروت میں انتخابات ہونگے۔