وزیراعظم کی سعودی ولی عہد محمد بن سلمان سے  ملاقات ، باہمی دلچسپی کے امورپر تبادلہ خیال

تفصیلات کے مطابق  وزیراعظم عمران خان کی سعودی ولی عہد محمد بن سلمان سے  ملاقات ہوئی ہے ،  ملاقات مڈل ایسٹ گرین انیشی ایٹواجلاس کی سائیڈ لائن پر ہوئی،  ملاقات میں معاشی وتجارتی تعلقات آگے بڑھانے پرتبادلہ خیال کیا گیا۔

وزیر اعظم اور سعودی ولی عہد  نے  باہمی دلچسپی کے علاقائی اور بین الاقوامی امورپر بھی غور کیا،  ماحول اور اس کے اجزاکے تحفظ کیلئےکی جانے والی کوششوں پربھی گفتگو کی گئی۔ وزیراعظم نےگرین انیشی ایٹواجلاس میں شرکت کی دعوت پرشکریہ اداکیا۔

وزیراعظم عمران خان نے سعودی کی ترقی کے لئے سعودی فرمانروا کے کردار کو خراج تحسین پیش کیا،  وزیراعظم عمران خان نے سعودی عرب کی  سماجی و اقتصادی ترقی کے لئے وہی عہد 2030 ویژن کی تعریف کی۔

اعلامیہ میں کہا گیا ہے کہ   وزیراعظم عمران خان نے مڈل ایسٹ گرین انیشیٹو کانفرنس کے انعقاد پر سعودی ولی عہد کو مبارکباد پیش کی۔

وزیر اعظم نے کہا کہ   اجلاس موسمیاتی تبدیلیوں کے اثرات سے نمٹنے کے لئے سعودی عرب کے سنجیدہ کردار کی عکاسی کرتا ہے ،  مڈل ایسٹ گرین انیشیٹو گرین پاکستان ، اور بلین ٹری منصوبے کی مانند ہیں،  پاکستان گرین انیشیٹو منصوبے کے لئے تعاون جاری رکھے گا،  وزیراعظم نے سعودی عرب کے ساتھ پاکستان کے گہرے برادرانہ تعلقات کے عزم کا اعادہ کیا۔ملاقات میں  سعودی عرب کے ساتھ پاکستان کے اسٹریٹجک تعلقات کی اہمیت پر بھی بات چیت ہوئی ۔

چند روز قبل  وزیراعظم عمران خان سعودی ولی عہد شہزادہ محمد بن سلمان کی دعوت پر سعودی عرب کے 3روزہ  سرکاری دورے پر روانہ ہوئے تھے۔اس دوران وزیر اعظم عمران خان نے  مسجدنبوی میں روضہ رسول ﷺ پر حاضری دی اور نوافل ادا کیے اور عمرہ کی سعادت بھی حاصل کی۔