کالعدم جماعت کے احتجاج کے دوران 4 پولیس اہلکار شہید ،متعدد زخمی

ذرائع کے مطابق کالعدم جماعت کے کارکن اور پولیس اہلکارآمنے سامنے آگئے، کالعدم جماعت کے کارکنوں کے پولیس کی گاڑیوں پر حملے ،  دھرنے میں جھڑپوں کے دوران اسسٹنٹ سب انسپکٹر اکبر جاں بحق  ہوگئے ہیں۔ ذرائع کے مطابق کالعدم جماعت کے احتجاج کے دوران 4 پولیس اہلکار شہید ہوگئے ہیں جبکہ  متعدد زخمی ہوگئے  ہیں ۔ اب تک کالعدم جماعت کے احتجاج کے دوران 5 پولیس اہلکار شہید ہوچکے ہیں۔

ذرائع کا کہنا ہے کہ  کارکنوں کو منتشر کرنے کے لیے پولیس نے شیلنگ  شروع کردی ہے، پنجاب پولیس نے ریسکیو کی ایمبولینس طلب کر لی ہیں ۔ پولیس کی بھاری نفری گوجرانوالہ پہنچنا شروع ہوگئی ہے۔

دوسری جانب     وزیر اعظم عمران خان کی زیر صدارت کابینہ کا اجلاس ہوا، ذرائع کا کہنا ہے کہ وزیراعظم نے تحریک لبیک کے مطالبات ماننے سے انکار کر دیا ،  وزیراعظم عمران خان نے  راستہ روکنے والوں سے سختی سے نمٹنے کی ہدایت کردی۔

ذرائع کے مطابق وزیرا عظم عمران خان نے کہا کہ  پولیس والوں کو مارنا سیاسی کارکنان کا نہیں دہشتگردوں کا کام ہے۔

کابینہ اجلاس میں فیصلہ کیا گیا ہے کہ  ریاست کی رٹ قائم رکھی جائے گی ،  حکومت کا لانگ مارچ روکنے کیلئے  رینجرز تعینات کرنے کا فیصلہ کیا ہے،  جہلم پل پر رینجرز تعینات کر دی گئی، حکومت نے فیصلہ کیا ہے کہ   مظاہرین کو کسی صورت جہلم سے آگے نہیں آنے دینا ۔