تفصیلات کے مطابق  سپر اسٹار‘ اداکارہ ماہرہ خان  سماجی مسائل پر کھل کر بات کرنے  اور خواتین کے حقوق کے لیے آواز اٹھانے کے لیے  بھی شہرت رکھتی ہیں ۔   حال ہی میں  ایک انٹرویو میں 36  سالہ ماہرہ خان  نے ’عورت مارچ‘ میں شرکت کرنے کی وجہ  بھی بتادی ، میرا سیٹھی نے ان سے  سوال کیا   کہ وہ " کیوں ’عورت مارچ‘ میں جاتی ہیں اور ان کے جانے سے کیا فرق پڑتا ہے ؟جس پر ماہرہ نے کھل کر اظہارخیال کیا۔

ان کا کہنا تھا کہ جب میں عورت مارچ میں جاتی ہوں تو میں لوگوں کو بتانا چاہتی ہوں کہ میں اس  جدوجہد  پر یقین رکھتی  ہوں، اس سے زیادہ مدد نہیں ملتی ، لیکن اس کا اثرضرور پڑتا ہے۔ وہ سمجھتی ہیں کہ انہیں چاہنے والے لوگ اور ان کے فالوورز انہیں ’عورت مارچ’ میں دیکھ کر ’عورت مارچ’ کو سپورٹ کریں گے، کیوں کہ ان کے چاہنے والے ایسا سمجھیں گے کہ جب ماہرہ کر سکتی ہیں تو کیوں نہیں؟انہوں نے ’عورت مارچ’ کے نعروں پر بات کرتے ہوئے واضح کیا کہ ان کا مطلب غلط سمجھا جاتا ہے اور ان سلوگن کا سوشل میڈیا پر غلط استعمال کیا جاتا ہے۔

ماہرہ خان  کاکہنا تھا کہ  ’عورت مارچ‘ کے حوالے سے بہت ساری غلط معلومات پھیلائی جاتی ہے اور سیاق و سباق سے ہٹ کر آنے  والی آوازوں کو زیادہ اہمیت دی جاتی ہے۔  لوگ سمجھتے ہیں کہ ’عورت مارچ’ کا مطلب  شاید یہ ہے کہ عورتیں کپڑے پھاڑ کر بیٹھ جائیں گی۔  ماہرہ خان  نے  کہا کہ اس کامطلب ہرگز    یہ نہیں ہے  کہ عورتیں کپڑے پھاڑ کر بیٹھ جائیں گی بلکہ  یہ اس بات کا اظہار ہے کہ   ایک عورت بھی مکمل انسان ہے اور اسے حق حاصل ہے کہ جو کوئی اس کے جسم کو دیکھے تو وہ اسے روکے کہ وہ ان کے جسم کو نہ دیکھے۔

اداکارہ  ماہرہ خان نے  سوشل میڈیا پر وائرل    سلوگن    ’میرا جسم، میری مرضی‘ کا  مطلب  بتاتے ہوئے کہا کہ ان کاماننا ہے کہ  اگر کوئی کسی خاتون کو چھونا چاہ رہا ہے اور خاتون کو برا لگ رہا ہے تو وہ اس کے خلاف رپورٹ بھی کر اسکتی ہے لیکن اگر خاتون کو غلط نہیں لگ رہا تو اس میں کوئی بات نہیں۔

ماہرہ خان  مستقل عورت مارچ  میں حصہ لینے  کی حمایت میں نظر آتی ہیں اور  خواتین کے اپنے مسائل کے حق میں آواز اٹھانے پر یقین  رکھتی ہیں ،وہ چاہتی ہیں کہ تمام خواتین اپنے حقوق کی جنگ  میں حصہ لیں ۔