سینٹ انتخابات پر ناراض کھلاڑیوں کی کپتان کو دھمکی

تفصیلات کے مطابق سینیٹ انتخابات میں ٹکٹ دینے کے معاملے پر تحریک انصاف کی مشکلات ہر گزرتے دن کے ساتھ بڑھنے لگی ہیں ۔ سندھ کے  ناراض رہنماؤں کے تحفظات تاحال دور نہیں کیے گئے ہیں ، اس حولے سے    پی ٹی آئی سندھ کے ناراض رہنماؤں کا گل محمد رند کی رہائش گاہ پر اجلاس ہوا ،  اس اجلاس کی سربراہی پی ٹی آئی سندھ کے رہنما لیاقت جتوئی کررہے ہیں۔  اجلاس میں ناراض عہدیداروں کی آٹھ رکنی کمیٹی کے اراکین سمیت دیگر قیادت شریک ہے ۔

ناراض رہنماؤں نے اجلاس  میں عندیہ دیا ہے کہ اگر  ارکان کے تحفظات دور نہیں کیے گئے تو  وزیر اعظم عمران خان  کو لکھے گئے خط کو پبلک کردیا جائےگا  ۔  سینٹ انتخابات میں ٹکٹوں  کی تقسیم پہ ناراض عہدیداران کا سخت لائحہ عمل کا اعلان  متوقع  ہے ۔ لیاقت جتوئی نے شکایتوں سے بھرا خط وزیراعظم کو لکھا تھا جس  کا جواب تاحال وزیراعظم کی جانب سے نہیں دیا گیا۔

خیال رہے کہ  پاکستان تحریک انصاف (پی ٹی آئی) سندھ کے رہنما سینیٹ انتخاب میں ٹکٹس کی تقسیم کے معاملے پر تحفظات کا اظہار کیاہے ۔ پاکستان کے سب سے بڑے شہر کراچی میں تحریک انصاف کے سینیٹ کے ٹکٹس دیے جانے کے معاملے پر ناراض عہدیداروں صداقت جتوئی، گل محمد رند، راجہ جاکھرانی، مبین جتوئی، محفوظ عرسانی اور اللہ بخش انڑ ممتاز شامل ہیں ۔  پی ٹی آئی کے رہنماؤں نے سیف اللہ ابڑو کو سینیٹ انتخاب کے لیے ٹکٹ دینے پر تحفظات کا اظہار کیا ہے۔

واضح رہے کہ پی ٹی آئی نے  سینیٹ انتخابات کیلئے  سندھ سے فیصل واوڈا اور سیف اللہ ابڑو  کو امیدوار نامزد کیا ہے ۔