گزشتہ ہفتے کے دوران مہنگائی کی شرح میں 0.67 فیصد اضافہ

تفصیلات کے مطابق  مہنگائی نے عوام کی کمر توڑ دی، گزشتہ ہفتے کے دوران مہنگائی کی شرح میں 0.67 فیصد اضافہ ہوا ہے، ہفتہ وار بنیادوں پر مہنگائی کی مجموعی شرح 15.21 پر پہنچ گئی۔

ادارہ شماریات کے مطابق  ایک ہفتے کے دوران 28 اشیا کی قیمتوں میں اضافہ کیا گیا، ایک ہفتے میں صرف 3 اشیا کی قیمتوں میں کمی اور 20 کی قیمتیں مستحکم رہیں،  ایک ہفتے میں ٹماٹر کی قیمت میں 20 روپے فی کلو اضافہ ہوا۔

ادارہ شماریات کی جانب سے جاری کردہ اعدادو شمار کے مطابق  چینی کی قیمت 110 روپے فی کلو رہی، ایل پی جی کے گھریلو سلینڈر کی قیمت میں 72 روپے کا اضافہ ہوا، ایل پی جی گھریلو سلنڈر کی قیمت 2411 سے بڑھ کر 2489 تک پہنچ گئی۔

 گزشتہ ہفتے کے دوران گھی کی قیمت میں 10 روپے فی کلو اضافہ ہوا، ایک ہفتے میں آٹے کے 20 کلو تھیلے کی قیمت میں 5 روپے اضافہ ہوا،  ایک ہفتے میں زندہ مرغی کی فی کلو قیمت میں 5 روپے کمی آئی،  ایک ہفتے میں پیاز کی قیمت میں 2 روپے کمی آئی ہے۔