حکومت اورکالعدم تحریک طالبان پاکستان کے درمیان مذاکرات کا آغاز، فائربندی پر اتفاق

تفصیلات کے مطابق وزارت اطلاعات کی جانب سے جاری کردہ اعلامیہ کے مطابق  حکومت اور تحریک طالبان کے درمیان مذاکرات کا آغاز ہوچکا،  مذاکرات کے دوران دونوں فریقین نے فائر بندی پر اتفاق کیا ہے۔

اعلامیہ  کے مطابق اس عمل کے دوران آئین پاکستان کی بالادستی اور ریاست کی حاکمیت کو ملحوظ خاطر رکھا جائے گا ،  افغانستان کی عبوری حکومت مذاکرات کے دوران سہولت کار کا کردار ادا کررہی ہے۔

خیال رہے کہ 1 اکتوبر 2021  وزیر اعظم عمران خان نے غیر ملکی میڈیا کو انٹریو دیتے ہوئے کہا تھا کہ  افغان طالبان مذاکرات میں مصالحتی کردار ادا کر رہے ہیں ، کالعدم  ٹی ٹی پی اگر مذاکرات چاہتی ہے تو غیر مسلح ہو۔

وزیر اعظم نے  تھا کہ  کالعدم ٹی ٹی پی کے بعض لوگ امن مذاکرات کیلئے رضا مند ہیں ۔اگر وہ ہتھیار ڈال دیں تو انہیں معاف کردیں گے اور وہ بھی عام شہریوں کی طرح زندگی گزار سکیں گے۔