پی ایس ایل 6 میں آج گولڈن ربن ڈے

ترجمان کےمطابق پاکستان سپر لیگ(پی ایس ایل 6)میں  آج دو میچز کھیلے جائیں گے۔پہلےمیچ میں کراچی کنگز اور ملتان سلطانز جبکہ دوسرے میچ میں پشاور زلمی اور اسلام آباد یونائیٹڈکی ٹیمیں مدمقابل آئیں گی  اور پاکستان سپر لیگ(پی ایس ایل 6) آج گولڈن ربن ڈے منایا جارہا ہےاور گولڈن ربن ڈے منانے کا مقصد بچوں میں کینسرسےمتعلق آگاہی فراہم کرنا ہے۔گولڈن ربن  ڈے پر نیشنل اسٹیڈیم کراچی میں لگی اسٹمپس کو  گولڈن رنگ میں رنگا دیا گیا ہے جبکہ کینسرمیں مبتلا 2 بچوں کو آج کھلاڑیوں کے دستخط شدہ شرٹس بطور تحفہ دی جائیں گی۔

ترجمان نے مزید کہا کہ کراچی کنگز اور ملتان سلطانز کے میچ کےدوران 5 سالہ محمد محاز کو ٹی شرٹ دی جائے گی،پانچ سالہ محمد محاز کینسر کے مرض سے لڑ رہے ہیں جبکہ اسلام آباد یونائیٹد اور پشاور زلمی کے میچ کےدوران محمد بن خالد کو ٹی شرٹ دی جائے گی۔

ترجمان نے مزید کہا کہ 12 مارچ کو قذافی اسٹیڈیم میں شیڈول ڈبل ہیڈر میچز کے موقع پر پنک ربن ڈے منایا جائے گا اور پنک ڈے کے موقع پر قذافی اسٹیڈیم لاہور میں لگی اسٹمپس کو گلابی رنگ میں رنگا جائے گا،دونوں ٹیموں کے کھلاڑی گولڈن کیپس پہن کر میچ کھیلیں گے جبکہ امپائر پنک شرٹ اور گولڈن کیپ پہن کر اپنے فرائض سرانجام دیں گے۔