کراچی کنگز کی ملتان سلطان کو 7 وکٹوں سے شکست

تفصیلات کے مطابق کراچی کنگز اور ملتان سلطان کا میچ نیشنل اسٹیڈیم کراچی میں کھیلا گیا جس میں کراچی کنگز نے ٹاس جیت کر پہلے بیٹنگ کا فیصلہ کیا اور ملتان سلطانز نے پہلے بیٹنگ کرتے ہوئے مقررہ 20اوورز میں چھ وکٹوں کے نقصان پر 195رنز بنائے جس کے جواب میں کراچی کنگز نے مطلوبہ ہدف 3 وکٹوں کے نقصان پر 19 اوور میں حاصل کرلیا۔

میچ کے آغاز میں  ملتان سلطانز نے جارحانہ انداز اپنایا اور 4 اوورز میں ہی بغیر کسی نقصان کے 49 رنز بنا لئے، تاہم پانچویں اوور کی دوسری گیند پر اوپنر کرس لن 14 گیندوں پر 32 رنز بنا کر عماد وسیم کی گیند پر کیچ آؤٹ ہوگئے۔تاہم ملتان نے جارحانہ انداز میں کھیل جاری رکھا اور 6 اوورز کے پاور پلے میں 1 کھلاڑی کے نقصان پر 72 رنز بنا لئےتھے۔ تاہم باقی کھلاڑیوں نے  بھی اعلیٰ کارکردگی کا مظاہرہ کرتے ہوئے6 وکٹوں کے نقصان پر195رنز کا ہدف دیا تھا۔ کراچی کی جانب سے ارشد اقبال نے دو جب کہ عماد وسیم، محمد عامر، ڈینیل کرسچن اور وقاص مقصود نے ایک ایک کھلاڑی کو آؤٹ کیا۔

ہدف کے تعقب میں کراچی کنگز نے شاندار کھیل کھیلا اور  بابر اعظم نے 60 گیندوں پر 90 رنز کی ناقابل شکست اننگز کھیلی جبکہ جو کلارک نے 26 گیندوں پر 54  اور شرجیل خان نے 14 گیندوں پر 27 رنز بنائے اور کراچی کنگز نے مطلوبہ ہدف 3 وکٹوں کے نقصان پر 19 اوور میں حاصل کرلیا۔

ملتان سلطانز کی جا نب سے  شاہنواز دھانی نے دو  اور سہیل خان نے ایک وکٹ حاصل کی گئی ۔

واضح رہے پاکستان سپرلیگ میں آج دو میچز کھیلے جائیں گے ، پہلا میچ کراچی کنگزاور ملتان سلطانز کے درمیان  ہوا جب کہ دوسرا میچ پشاور زلمی اور اسلام آباد یونائیٹڈ کے درمیان شام سات بجے کھیلا جائے گا۔