چینی کمپنی نے سستی برقی کار بنا کر ٹیسلا کمپنی کو پیچھے چھوڑ دیا

غیر ملکی  خبر رساں ادارے کے مطابق   اس برقی گاڑی کو چین کی سرکاری کمپنی نے تیار کیا ہے۔ شنگھائی  آٹو موٹو انڈسٹری کارپوریشن ( ایس اے آئی سی)  موٹرز کی اس گاڑی صارفین بہت پسند کر رہے ہیں۔اس چینی گاڑی کی قیمت تقریباً پاکستانی  آٹھ لاکھ روپے (4500 ڈالرز)ہے۔ اس گاڑی کا عام ورژن ساڑھے چار ہزار جبکہ ایئر کنڈیشنر 5 ہزار ڈالرز میں فروخت کیا جا رہا ہے۔

اس گاڑی  کی تیز ترین رفتار کی حد 100 کلومیٹر فی گھنٹہ ہے اور اس میں ایک وقت میں چار افراد بیٹھ سکتے ہیں۔

اس گاڑی کو امریکی کمپنی جنرل موٹرز کے تعاون سے تیار کیا جا رہا ہے اور اس کو " ہانگ گوانگ منی ای وی"  کا نام دیا گیا ہے ۔اس گاڑی کو عوام میں  ایسی مقبولیت ملی  کہ یہ برقی کار  ، دنیا کی سب سے بڑی برقی کاریں بنانے والی کمپنی ٹیسلا سے بھی  آگے نکل گئی ہے۔اعدادوشمار کے مطابق گزشتہ ماہ اس گاڑی کی فروخت ٹیسلا کے مقابلے میں دوگنا تھی۔