پشاور زلمی نے اسلام آباد یونائیٹڈ کو 6وکٹوں سے شکست دے دی

پاکستان سپر لیگ (پی ایس ایل ) 6 کے دسویں میچ میں پشاور زلمی نے اسلام آباد یونائیٹڈ کو 6 وکٹوں سے شکست دے دی۔پشاور زلمی نے 119 رنز کا ہدف 18ویں اوور میں پورا کرلیا۔پشاور زلمی 6 پوائنٹس کے ساتھ پوائنٹس ٹیبل کے ٹاپ پر چلی گئی۔

پشاور زلمی کی جانب سے   ٹام کوہلر کیڈمور 46 رنز کے ساتھ ٹاپ سکورر رہے،  حیدر علی نے 36، کامران اکمل نے 3 رنز بنائے جبکہ  شعیب ملک نے 29 اور ردرفورڈ 6 رنز بناکر ناٹ آؤٹ رہے۔

اس سے قبل اسلام آباد یونائیٹڈ نے پہلے کھیلتے ہوئے  118 رنز بنائے تھے، اسلام آباد یونائیٹڈ کی جانب سے  الیکس ہیلز 41 رنز کے ساتھ ٹاپ سکورر رہے،  حسین طلعت نے 22، آصف علی نے 19 رنز بنائے تھے۔ اسلام آباد یونائیٹڈ کے 8 بلے باز ڈبل فگرز میں داخل نہ ہوسکے۔

پشاور زلمی کی جانب سے فاسٹ باؤلر  وہاب ریاض نے شاندار باؤلنگ کرتے ہوئے 4 شکار کیے،  ثاقب محمود نے 3 وکٹیں حاصل کیں تھیں ۔