او آئی سی کے خصوصی نمائندے برائے جموں وکشمیر کاوفد کے ہمراہ ایل او سی کا دورہ، آئی ایس پی آر

پاک فو ج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  او آئی سی کے خصوصی نمائندے برائے جموں وکشمیر  نے وفد کے ہمراہ ایل او سی کا دورہ کیا، سعودی عرب، مراکش،سوڈان اورمالدیپ کے سینئرسفارتکاروں چری کوٹ سیکٹر کا دورہ  کیا،  وفد کو ایل او سی کی تازہ ترین صورتحال پر بریفنگ دی گئی ۔

آئی ایس پی آر کے مطابق  دونوں ملکوں کے ڈی جی ایم اوز کے کچھ ہفتے قبل رابطے سے پہلے اوربعد صورتحال پر بھی بریفنگ  دی گئی، وفد کو مقبوضہ کشمیر میں بھارتی مظالم اورانسانی بحران کے بارے میں بھی بریف کیا،  وفد نےسیز فائر خلاف ورزیوں اوربھارتی اشتعال انگیزیوں کے متاثرین سے بھی بات چیت کی۔

ترجمان پاک فوج کا کہنا ہے کہ  او آئی سی وفد کی مظفرآباد آمد، صد رآزادکشمیر سے بھی ملاقات ہوئی، وفد کل مہاجرین کیمپ  اورفنی تربیتی  مرکز میں بھی جائے گا، وفد کی یواین فوجی مبصر گروپ سے بھی ملاقات ہوگی، وفد کی وزیراعظم آزاد کشمیر  اورمختلف جماعتوں کے نمائندوں  سے ملاقات ہوگی۔