لندن : ہسپتال کے باہر کار دھماکے میں ایک شخص ہلاک  

تفصیلات کے مطابق  ابتدائی معلومات میں بتایا گیا ہے کہ دھماکہ ٹیکسی میں ہوا، جس کا ڈرائیور بھی زخمی ہوا ہے۔ پولیس نے 3 مشتبہ افراد کو انسداد دہشت گردی ایکٹ کے تحت گرفتار کرلیا ہے۔ برطانیہ کی انسدادِ دہشت گردی کی پولیس کے مطابق گرفتار کیے گئے تینوں افراد کی عمریں 21 سے 29 سال کے درمیان ہیں۔

برطانوی خبر رساں ادارے  کا کہنا ہے کہ  ٹیکسی میں خودکش حملہ آور سوار تھا۔ ڈرائیور نے ٹیکسی لاک کر کے حملہ آور کو باہر نکلنے نہ دیا۔ 29 سالہ ڈرائیور نے مسافر کےپاس مشکوک چیز دیکھی تھی۔ فائر سروسز کا کہنا ہے کہ انہوں نے کار میں لگی آگ کو تیزی سے بجھا دیا، اور ایک شخص آگ  زیادہ بھڑکنے سے قبل کار سے نکل گیا تھا۔

اتنظامیہ کے مطابق  حادثے کے بعد اسپتال کو عارضی طور پر بند کر دیا گیا ہے اور نئے آئے والے مریضوں کو دوسرے اسپتالوں میں بھیجا جا رہا ہے۔ تینوں ملزمان کو شمال مغربی انگلینڈ کے شہر کینسنگٹن کے علاقے سے حراست میں لیا گیا تھا۔ پولیس نے گرفتاری کیلئے کیے گئے آپریشن کی زیادہ تفصیلات نہیں بتائیں۔

اس سے قبل ہسپتال کی کار پارکنگ میں آگ لگنے والی گاڑی کی تصاویر پہلے سوشل میڈیا پر شیئر کی گئی تھیں۔

 پولیس نے ایک بیان میں کہا کہ ٹیکسی دھماکے سے کچھ دیر قبل اسپتال کی طرف گئی تھی۔ دھماکے کی نوعیت جاننے کیلئے  تفتیش جاری ہے ۔ پولیس کی جانب سے دھماکے کو دہشت گردی کا حملہ قرار نہیں دیا گیا ہے ۔