پنجاب میں آٹے کے سنگین  بحران کا خدشہ 

تفصیلات کے مطابق پنجاب حکومت کی جانب سے فلور ملز کو جنوبی پنجاب سے گندم اٹھانے کی ہدایت کی گئی ہے تاہم فلور ملز نے صاف انکار کر دیا۔ اس کے ساتھ ساتھ فلور ملز ایسوسی ایشن کی جانب سے کل راولپنڈی، اسلام آباد اور منگل کو پورے صوبے میں ہڑتال کا اعلان کیا گیا ہے۔

اس حوالے سے محکمہ خوراک کا کہنا ہے کہ چند مل مالکان ناجائز مطالبات منوانے کے لیے بے بنیاد پراپیگنڈہ کر رہے ہیں اور آٹے کا کوئی بحران نہیں ہے ۔ 

دوسری جانب  فلور ملز ایسوسی ایشن کا کہنا ہے کہ جنوبی پنجاب سے گندم اٹھانے سے آٹا بہت زیادہ مہنگا پڑے گا۔

اس حوالے سے ترجمان پنجاب حکومت حسان خاور کا کہنا ہے اسٹاک میں 32 لاکھ ٹن گندم موجود ہے، روزانہ کی بنیاد پر 18 ہزار ٹن گندم ریلیز کر رہے ہیں۔راولپنڈی ڈویژن کی فلور ملز کو گندم جنوبی پنجاب سے خریدنے کی ہدایت کی گئی ہے۔ 

واضح رہے کہ پنجاب، خیبرپختونخوا  اور کراچی میں آٹے کی قلت اور قیمتوں میں اضافے  کی شکایات سامنے آرہی ہیں۔