انٹرکلب چیمپئین شپ: مقامی  کرکٹر وقاص خالد حرکت قلب بند ہونے سے جاں بحق

تفصیلات کے مطابق سنٹرل پنجاب انٹر کلب چیمپئین شپ کا میچ مغل پورہ وائٹس اور باغبانپورہ ایگلٹس کے درمیان کھیلا جا رہا تھا ،  انٹرکلب چیمپئین شپ کے دوران  مقامی  کرکٹر وقاص خالد  حرکت قلب بند ہو جانے  کےباعث انتقال  کرگئے، مغل پورہ وائٹس کے کرکٹر وقاص خالد کی اچانک طبعیت خراب ہو گئی ۔

 وقاص خالد آوٹ ہونے کے بعد  باہر بیٹھے کہ اچانک طبعیت خراب ہو ئی ، وقاص خالد کو ابتدائی طبی امداد دی گئی لیکن جانبر نہ ہو سکے۔

گزشتہ روز کراچی میں بھی کرکٹر رضوان میچ کو دوران جاں بحق ہوگئے تھے۔  بانٹوا کلب اور کمبائنڈ کلب کے درمیان نمائشی میچ کھیلا جارہا تھا، دونوں ٹیموں کے درمیان میچ داؤ میڈیکل کالج کے گراؤنڈ میں کھیلا جارہا تھا،  میچ کے دوران کمبائنڈ الیون کے کھلاڑی رضوان نے سینے میں درد کی شکایت کی، رضوان کو فوری طور پر ڈاؤ میڈیکل کالج کے اسپتال پے جایا گیا،  طبی امداد کے دوران رضوان جاں بحق ہوگیا تھا۔