سی این جی کی قیمتوں میں بڑے اضافہ کا خدشہ پیدا ہوگیا

تفصیلات کے مطابق فیڈرل بورڈ آف ریونیو(ایف بی آر)  نے سی این جی پر سیلز ٹیکس کی قیمت بڑھا دی، ریجن ٹو کیلئے سی این جی پر سیلز ٹیکس کی قیمت میں 60 روپے 53 پیسے فی کلو اضافہ  ہوگیا، ریجن ون کیلئے سی این جی پر سیلز ٹیکس کی قیمت میں 58 روپے 34 پیسے فی کلو اضافہ کردیا گیا۔

ریجن ٹو کیلئے سی این جی پر سیلز ٹیکس کی قیمت 134 روپے 57 پیسے فی کلو مقرر، اس سے قبل ریجن ٹو کیلئے سی این جی پر سیلز ٹیکس کی قیمت 74 روپے 4 پیسے فی کلو تھی۔

ریجن ون کیلئے سی این جی پر سیلز ٹیکس کی قیمت 128 روپے 11 پیسے فی کلو مقرر کردی گئی، اس سے قبل ریجن ون کیلئے سی این جی پر سیلزٹیکس کی قیمت 69 روپے 57 پیسے فی کلو مقرر تھی۔ 

ریجن ون میں کے پی کے، بلوچستان، راولپنڈی اسلام آباد اور گجرات شامل ہیں،  ریجن ٹو میں سندھ اور پوٹھوہار کے سواپنجاب شامل ہیں۔