اے این ایف کوئٹہ کی خفیہ اطلاع پر کارروائی ، 652 کلوگرام چرس برآمد

اینٹی نارکوٹکس  فورس  (  اے این ایف)  کوئٹہ نے خفیہ اطلاع پر بلوچستان میں کارروائی کرتے ہوئے  652 کلوگرام چرس برآمد ہوئی ہے۔

ترجمان اے این ایف  کے مطابق  ضلع قلعہ عبداللہ کی تحصیل گلستان میں واقع کلی حمیدزئی سے بھاری مقدار میں چرس برآمد ہوئی،  برآمدشدہ چرس کا کل وزن 652 کلوگرام ہے،  چرس کو سیب کے ڈبوں میں ذخیرہ کیا گیا تھا۔

ترجمان اے این ایف کا کہنا ہے کہ  ابتدائی اطلاعات کے مطابق منشیات کو افغانستان کے علاقے شاراواک سے پاکستان اسمگل کیا گیا،  برآمدشدہ  منشیات گوادر اسمگل کرنے کی غرض سے غیرآباد علاقے میں چھپائی گئی تھیں،  منشیات کو اے این ایف تھانے منتقل کر کے مزید تفتیش کا آغاز کر دیا گیا ہے۔