وزیراعظم کی رہائش گاہ بنی گالہ کےقریب تہرے قتل کی لرزہ خیزواردات

تفصیلات کے مطابق  وفاقی دارالحکومت اسلام آباد میں دوبچوں اورامام مسجد کے قتل کا دل سوزواقعہ پیش آیا، تھانہ بارہ کہوکےعلاقے میں مفتی اکرام ان کے تیرہ سالہ ‏بیٹے اورشاگرد کوقتل کردیاگیا،، تینوں افراد مسجد سے نمازپڑھ کرنکلے تھے کہ فائرنگ کا نشانہ بنادیا گیا۔مقتول مسجد کےخطیب اور جے یوآئی راولپنڈی کے سالارقاری کرامت کے بھائی تھے۔ لواحقین نے وزیراعظم اورآرمی چیف سے فوری ‏نوٹس لینےاورقاتلوں کی گرفتاری کا مطالبہ کیا۔

تفصیلات کے مطابق  لواحقین کی جانب ‏سے سڑک پرلاشیں رکھ کراحتجاج کیا گیا جس کی وجہ سے بارہ کہو کے مقام پرسرینگر ہائی وے بلاک رہی، تاہم ضلعی انتظامیہ سے کامیاب مذاکرات کے بعد مظاہرین نے پیر کی شام چھ بجے تک احتجاج ختم کردیا ۔

 مذاکراتی وفد کا کہنا ہے کہ میتوں کو سرد خانے میں رکھوا رہےہیں ۔ ڈی سی اسلام آباد حمزہ شفقات کے مطابق ایک ملزم کی شناخت کر لی گئی ہے۔جس کی گرفتاری کیلئے کارروائیاں جاری ہیں ۔جبکہ  تھانہ بارہ کہومیں واقعے کا مقدمہ درج کرلیا گیا ہے،ایف آئی آرکے مطابق دو سے تین نامعلوم افراد نے فائرنگ کی، گاڑی سے ذرا فاصلے پرمقتول کے بھائی ہدایت رحمان نے چھپ کرجان بچائی۔