نیب نے ٹی ٹی اسیکنڈل میں مرکزی ملزم علی احمد کو گرفتار کرلیا

تفصیلات کے مطابق  شہباز شریف خاندان کے خلاف منی لانڈرنگ کیس میں اہم پیش رفت ہوئی ہے،ذرائع کے مطابق نیب نے ریفرنس میں اشتہاری ملزم علی احمد کو گرفتار کرلیا، نیب ٹیم نے علی احمد کو اسلام آباد سے گرفتار کیا، ٹی ٹی سیکنڈل میں نیب کودو سال سے مطلوب تھا ،احتساب عدالت نے منی لانڈرنگ ریفرنس میں علی احمد کو اشتہاری قرار دے رکھا ہے۔ 

ذرائع کا کہنا ہے کہ  نیب کی تفتیشی ٹیم ملزم علی احمد کو کل جسمانی ریمانڈ کے لیے احتساب عدالت پیش کرے گی، ملزم علی احمد پر شہباز شریف خاندان کے لیے منی لانڈرنگ  کرنےکا الزام ہے۔ علی احمد شہباز شریف دور میں سی ایم ہاوس میں تعینات تھا۔