’پاکستان دہشتگردی کیخلاف جنگ میں ایک مضبوط قوم بن کرابھراہے‘

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان کے مطابق  نیشنل سیکیورٹی ورکشاپ کےشرکانے جی ایچ کیوکادورہ کیا ہے،  شرکاکوملکی سیکیورٹی صورتحال درپیش چیلنجزپربریفنگ دی گئی، آرمی چیف جنرل قمرجاویدباجوہ سےشرکاکی بات چیت ہوئی۔ آرمی چیف نےسیکیورٹی چیلنجزکےحوالےسےمشترکہ قومی ردعمل اپنانےکی ضرورت پرزوردیا۔

آرمی چیف جنرل قمر جاوید باجوہ نے کہا کہ پاکستان دہشتگردی کیخلاف جنگ میں ایک مضبوط قوم بن کرابھراہے، ہماری مشترکہ ذمہ داری ہےکہ قوم کی ترقی وخوشحالی کیلئےدل لگاکرذمہ داری سےکرداراداکریں۔انہوں نے کہا کہ فوج کی آپریشنل تیاریوں پرمکمل توجہ ہے، فوج تمام خطرات سےملک کوبچانےکیلئےپرعزم ہے۔