پاکستان

’آج حکومت کومشترکہ اجلاس میں شکست ہوئی ہے‘

اسلام آباد: چیئرمین پیپلزپارٹی بلاول بھٹو نے کہا ہے کہ پورے ملک کو پتا ہونا چاہئے کہ آج حکومت کومشترکہ اجلاس میں شکست ہوئی ہے، مشترکہ اجلاس میں قانون سازی کےلئے222ووٹ ہونا ضروری ہیں۔

2 سال پہلے 17 نومبر 2021 - 05:03 شام

پر شائع ہوا

ویب ڈیسک

کی طرف سے

جی این این میڈیا: نمائندہ تصویر

چیئرمین پیپلزپارٹی بلاول بھٹو نے پریس کانفرنس میں کہا کہ پورے ملک کو پتا ہونا چاہئے کہ آج حکومت کومشترکہ اجلاس میں شکست ہوئی ہے، اس بات پر زور دینا ضروری ہے کے پورے ملک کو پتا ہونا چاہیے کہ آج جوائنٹ سیشن میں حکومت کی جیت نہیں بلکہ ہار ہوئی ہے۔

بلاول بھٹو نے کہا کہ مشترکہ اجلاس میں قانون سازی کےلئے222ووٹ ہونا ضروری ہیں، 1973کے جوائنٹ سیشن کا رول ہے وہ کیا کہتا ہے، جوائنٹ سیشن کو روول یہ کہتا ہے کہ جوائنٹ سیشن سے بل کو منظور کروانے کے لیے حکومت کے پاس آدھا ووٹ اس کے پاس ہونا چاہیے، جوائنٹ سیشن سے کسی بل کی منظوری کرنے کے لیے حکومت کے پاس 222ووٹ ہونا ضروری ہے، اس سے کوئی فرق نہیں پڑتا کے اپوزیشن کا ایک ممبر ہاؤس میں ہوں یا 206ممبر ہاؤس میں ہوں، اگر حکومت کے 222ووٹ کروز نہیں ہوتے تو جو قانون وہ بنانا چاہتے ہے وہ قانون نہیں بنتے۔

چیئرمین پی پی نے کہا کہ ہم اس ایشو کو ہر فارم پر لے کر جائے گے، ہم اس کو عدالت میں چیلنج کریں گے، آج او وی ایم کا قانون نہیں بنا، آج کلبھوشن یادیو کو این آر او نہیں ملا، حکومت زبردستی یہ دیکھانے کی کوش کر رہے ہیں کہ وہ کامیاب ہوئے ہے، یہ میڈیا کی ذمہ داری ہے کہ حکومت ناکام ہوئی ہے، ہم متحد ہے ، ہم ہر فارم پر اس مسئلے کو چیلنج کریں گے۔

اپوزیشن لیڈر شہباز شریف نے پریس کانفرنس میں کہا کہ تمام روایات کو پاؤں تلے روندا گیا، ای وی ایم اور دوسرے بل پاس کرانے پر تلے تھے،تمام بلز کو بلڈوز کیا گیا، میں بار بار درخواست کرتا رہا لیکن انہوں نے میرا مائیک بند کروا دیا، صرف چند لوگوں کے علاوہ ہمارے تمام ارکان موجود تھے، اسپیکر نیشنل اسمبلی آج پی ٹی آئی کا حواری بنا ہوا تھا،اسپیکر سے کہا کہ اپوزیشن لیڈر کے طور پر میرا حق ہے پوائنٹ آف آڈر پر بات کروں۔

شہبازشریف نے کہا کہ آج اس پارلیمان کی تاریخ کا سیاہ ترین دن ہے، ای وی ایم جس کو الیکشن کمیشن نے مسترد کر دیا ہے، ای وی ایم جس کو 9ممالک چھوڑ چکے ہے دنیا کے 163ممالک میں سے صرف 8ممالک نے اس کو استعمال کر رہے ہیں ۔ای وی ایم کو مسلط کردیا گیا ہے، پاکستان کے اندر پہلے آر ٹی ایس سے ہماری جان نہیں چھوٹتی اور اب اس ای وی ایم کو ہمارے اوپر مسلط کرنا چاہتے ہیں، ہم یہ نہیں ہونے دیں گے لیکن اسپیکر نے ہماری بات نہیں سنی، اس لیے ہمیں اب یہاں آپ لوگوں کے سامنے آ کر بات کرنا پڑ رہی ہے۔

اگلی خبر

الیکٹرانک ووٹنگ مشین کا بل پارلیمنٹ سے منظور

مس نہ کریں

اوور سیز پاکستانیوں کی سنی گئی، پارلیمنٹ کا بڑا فیصلہ

پڑھنا جاری رکھیں

موسم

اسموگ کا قہر برقرار،لاہور آلودہ ترین شہروں میں دوسرے نمبر

لاہور میں سموگ کی اوسط شرح 766 ریکارڈ کی گئی

12 گھنٹے پہلے 16 نومبر 2024 - 11:09 صبح

پر شائع ہوا

ویب ڈیسک

کی طرف سے

اسموگ کا قہر برقرار،لاہور آلودہ ترین شہروں میں دوسرے نمبر

لاہور سمیت ملک کے مختلف شہروں میں سموگ اور دھند کا راج برقرار ہے جبکہ دنیا کے آلودہ ترین شہروں میں لاہور آج دوسرے نمبر پر ہے، پہلے پر بھارتی دارالحکومت دہلی ہے۔

لاہور میں سموگ کی اوسط شرح 766 ریکارڈ کی گئی،سی ای آر پی آفس میں آلودگی کی شرح1398ریکارڈ کی گئی۔ ڈی ایچ اے کے علاقے کا ایئر کوالٹی انڈیکس 1324 تک جا پہنچا، سید مراتب علی روڈ کے علاقے کا اے کیو آئی 1210 جبکہ غازی روڈ انٹرچینج کا ایئر کوالٹی انڈیکس 850 ریکارڈ کیا گیا۔

بڑھتی ہوئی اسموگ اور فضائی آلودگی کے پیش نظر صوبائی حکومت کی جانب سے ہیلتھ ایڈوائزری بھی جاری کر دی گئی ہے، جبکہ گرین لاک ڈاؤن کو مزید سخت کر دیا گیاہے اور سکولوں، کالجزاور یونیورسٹیوں میں بھی چھٹیوں کا اعلان کر دیا گیا ہے، مری کے علاوہ تمام اضلاع کے سکولز 24 نومبر تک بند رہیں گے۔

دوسری طرف سموگ کے باعث لاہوراور ملتان میں تمام تعمیراتی کاموں پر مکمل پابندی ہوگی جبکہ قومی سطح کے تعمیراتی کاموں کی اجازت ہوگی، ہیوی ٹریفک کے لاہور اور ملتان میں داخلے پر مکمل پابندی ہوگی، دونوں شہروں میں اینٹوں کے بھٹوں اور فرنس انڈسٹری کے کام پر بندش ہوگی۔

دوسری طرف لاہور اور ملتان میں ریسٹورنٹس میں 4 بجے تک ڈائننگ کی اجازت ہوگی، جبکہ 4 سے 8 بجے تک ٹیک اوے کی اجازت ہوگی، 8 بجے کے بعد ریسٹورنٹس مکمل بند رہیں گے۔

پڑھنا جاری رکھیں

کھیل

چیمپئنز ٹرافی کے پاکستان ٹور کا اعلان کر دیا گیا،ٹرافی کن کن شہروں میں جائے گی؟

ذرائع کے مطابق ٹرافی ٹیکسلا، ایبٹ آباد، مری، نتھیا گلی اور کراچی جائے گی

6 گھنٹے پہلے 16 نومبر 2024 - 04:44 شام

پر شائع ہوا

ویب ڈیسک

کی طرف سے

چیمپئنز ٹرافی کے پاکستان ٹور کا اعلان کر دیا گیا،ٹرافی کن کن شہروں میں جائے گی؟

آئی سی سی چیمپئنز ٹرافی کے پاکستان ٹور کا آغاز آج سے ہو رہا ہے،شیڈول کے مطابق ٹرافی کا ٹورآج سے اسلام آباد میں شروع ہو رہا ہے۔
چیمپئنز ٹرافی 25 نومبر تک پاکستان میں رہے گی جس دوران اسے مختلف شہروں میں لے جایا جائے گا۔
اسلا م آباد میں چیمپئنز ٹرافی کو دامن کوہ، فیصل مسجد اور پاکستان مونومنٹ میوزیم سمیت اسکول کالجز اور مختلف جگہوں پر لے جایا جائے گا، اس موقع پر سابق قومی کرکٹر شعیب اختر ٹرافی کے ہمراہ ہوں گے۔
اسلام آباد کے بعد ٹرافی 17 نومبر کو ٹیکسلا جبکہ 18 نومبر کو خانپور میں لےجایا جائے گا۔
19 نومبر کو مری جبکہ 20 نومبر کو نتھیا گلی میں ٹرافی کا ٹور ہو گا۔
22 سے 25 نومبر تک کراچی میں ٹرافی کا ٹور ہو گا۔
واضح رہے کہ آئی سی سی چیمپئنز ٹرافی ایونٹ میں شریک تمام ممالک میں جائے گی، پاکستان کے بعد ٹرافی ٹور 26 سے 28 نومبر تک افغانستان میں، 10 سے 13 دسمبر بنگلا دیش، 15 سے 22 دسمبر جنوبی افریقا اور 25 دسمبر سے 5 جنوری تک آسٹریلیا میں ہوگا۔
جبکہ 6 جنوری سے 11 جنوری نیوزی لینڈ، 12 سے 14 جنوری انگلینڈ اور 15 سے 26 جنوری بھارت میں ٹرافی ٹور ہو گا،آئی سی سی کے مطابق 27 جنوری کو پاکستان میں ٹرافی کا ایونٹ شروع ہو گا۔

پڑھنا جاری رکھیں