لاہور : شہر میں سال کی سب سے بڑی ڈکیتی کی واردات

تفصیلات کے مطابق  لاہور  کے علاقے جوہر ٹاؤن میں  ڈکیتی کی  بڑی واردات ہوئی ہے، ڈاکو گھرسے 3 کروڑ 40 لاکھ  لوٹ  کر فرار ہوگئے۔

پولیس کا کہنا ہے کہ ڈکیتی کی واردات ڈاکٹر نسیم نامی شہری کے گھر ہوئی، ڈاکو 1 کروڑ نقدی ، 1 کروڑ 96 لاکھ کے زیورات ، چار ہیرے کی انگوٹھیاں اور قیمتی گھڑیاں لوٹ کر فرار ہوئے۔

پولیس کے مطابق مسلح ڈاکووں نے اہل خانہ کو بدترین تشدد کا نشانہ بھی بنایا۔ پولیس نے مقدمہ درج کرکہ ملزمان کی تلاش شروع کردی ہے۔

سی سی پی او لاہور فیاض احمد نے واقعے کا  نوٹس  لے لیا، ڈاکوؤں کی گرفتاری کے لیے تمام وسائل بروئے کار لانے کی ہدایت کی ہے۔