جی این این سوشل

جرم

زیر حراست خاتون پر تشدد، آئی جی پنجاب نے نوٹس لے لیا

لاہور: قصور میں زیر حراست خاتون پر تشدد کرنے کے واقعہ کا آئی جی پنجاب نے نوٹس لے لیا، واقعہ میں ملوث لیڈی کا نسٹیبل اورپولیس اہلکار کونوکری سے برخاست کرنے کا حکم دے دیا۔

پر شائع ہوا

کی طرف سے

زیر حراست خاتون پر تشدد، آئی جی پنجاب نے نوٹس لے لیا
جی این این میڈیا: نمائندہ تصویر

تفصیلات کے مطابق تشدد کا واقعہ قصور  کے تھانہ صدر  میں پیش آیا جہاں  پرائیویٹ خاتون نے زیر حراست خاتون پرتشدد کیا اور تشدد کے دوران خاتون نے لیڈی کانسٹیبل کو اپنا موبائل فون دے کر تشدد کی ویڈیو بھی بنوائی۔

زیر حراست خاتون کی ویڈیو وائرل ہونے پر ڈسٹرکٹ پولیس آفیسر (ڈی پی او  ) نے  ایکشن لیتے ہوئے  تفتیشی افسر حیدر علی، لیڈی کانسٹیبل اورتشدد کرنے والی خاتون کےخلاف مقدمہ درج کرادیا۔

پولیس ذرائع کےمطابق خاتون ڈکیتی کیس میں جسمانی ریمانڈ پر ہے، تشدد میں ملوث خاتون کو گرفتار  کیا جاچکا ہے جب کہ   تفتیشی انسپکٹر  اورلیڈی کانسٹیبل کومعطل کرکے قانونی کارروائی شروع کردی گئی ہے۔

دوسری جانب آئی جی پنجاب نے  ڈکیتی واردات میں زیر حراست خاتون پر تشدد کے واقعہ کا نوٹس لیتے ہوئے لیڈی کا نسٹیبل اور پولیس اہلکار کو نوکری سے برخاست کرنے کا حکم دے دیا۔

 

عمر نواز گزشتہ چھ ماہ سے جی این این کے ساتھ بطور ویب جرنلسٹ کام کر رہے ہیں۔ وہ پنجاب یونیورسٹی سے ڈویلپمنٹ جرنلزم میں گریجویٹ ہیں۔ جناب عمر اس سے قبل چینل 24 نیوز ایچ ڈی کے ساتھ بطور پینل پروڈیوسر، وقت نیوز چینل اور 7 نیوز میں بطور نیوز رپورٹر اور روزنامہ اوصاف سب ایڈیٹر کے طور پر کام کر چکے ہیں۔

پاکستان

جسٹس عائشہ ملک  سپریم  کورٹ کی جج تعینات ، نوٹیفکیشن جاری 

اسلام آباد: صدر مملکت نے جسٹس عائشہ ملک کے نام کی منظوری دیدی۔

پر شائع ہوا

Ali Raza

کی طرف سے

جسٹس عائشہ ملک  سپریم  کورٹ کی جج تعینات ، نوٹیفکیشن جاری 

تفصیلات کے مطابق جسٹس عائشہ ملک  سپریم  کورٹ کی جج تعینات ، نوٹیفکیشن جاری کردیا گیا۔وزارت قانون نے نوٹیفکیشن جاری کیا۔صدر مملکت ڈاکٹر عارف علوی  نے جسٹس عائشہ ملک کے نام کی منظوری دیدی۔

یاد رہے پارلیمانی کمیٹی برائے ججز تقرری کا ان کیمرہ اجلاس میں جسٹس عائشہ ملک کی سپریم کورٹ میں تعیناتی کی منظوری دی گئی تھی۔

واضح رہے کہ سپریم کورٹ میں 17 ججوں کی تعداد مقرر ہے، جسٹس مشیر عالم 17 اگست 2021 کو ریٹائر ہو گئے تھے، جس کے باعث ایک نشست خالی ہے۔

پڑھنا جاری رکھیں

علاقائی

پنجاب: ان ڈور شادیوں پر پابندی کا فیصلہ عدالت میں چیلنج

لاہور: پنجاب میں ان ڈور شادیوں پر پابندی کا حکومتی فیصلہ عدالت میں چیلنج کردیا گیا۔

پر شائع ہوا

Shehroz Azhar

کی طرف سے

پنجاب: ان ڈور شادیوں پر پابندی کا فیصلہ عدالت میں چیلنج

میرج ہالز ایسوسی ایشن کی جانب سے لاہور ہائیکورٹ میں درخواست دائر کی گئی ہے جس میں مؤقف اختیار کیا گیا ہےکہ حکومتی نوٹیفکیشن کے مطابق آوٹ ڈور 300 افراد کی اجازت ہے جب کہ  تعلیمی ادارےکھلے ہیں،کاروبار جاری ہیں اور شادی ہالزپرپابندی لگادی گئی ہے۔

درخواست میں مزید کہا گیا ہےکہ شادی ہالز میں ان ڈور شادی کی تقریبات پر پابندی امتیازی سلوک ہے لہٰذا ان ڈور شادی پر پابندی کا نوٹیفکیشن کالعدم قرار دیا جائے۔

واضح رہے کہ ملک میں کورونا کیسز کی بڑھتی شرح کے پیش نظر ان ڈور شادیوں پر پابندی عائد کی گئی ہے۔

پڑھنا جاری رکھیں

تجارت

افغانستان سے چلغوزے کی درآمد پر عائد 45 فیصد ریگولیٹری ڈیوٹی ختم کرنے کا فیصلہ

اسلام آباد: ای سی سی اجلاس میں افغانستان سے چلغوزے کی درآمد پر عائد 45 فیصد ریگولیٹری ڈیوٹی ختم کرنے کا فیصلہ کرلیا۔

پر شائع ہوا

Ali Raza

کی طرف سے

افغانستان سے چلغوزے کی درآمد پر عائد 45 فیصد ریگولیٹری ڈیوٹی ختم کرنے کا فیصلہ

تفصیلات کے مطابق  وزیر خزانہ شوکت ترین کی زیر صدارت اقتصادی رابطہ کمیٹی کا ورچوئلی اجلاس ہوا،  ای سی سی نے افغانستان کو مخصوص مصنوعات کی برآمد کی اجازت دیدی ہے۔

ای سی سی کا  افغانستان سے چلغوزے کی درآمد پر عائد 45 فیصد ریگولیٹری ڈیوٹی ختم کرنے کا فیصلہ، کامیاب پاکستان پروگرام کی مانیٹرنگ کیلئے تھرڈ پارٹی کی خدمات لینے کی منظوری دیدی،  داسو ہائیڈرو منصوبے پر ہلاک ہونے والے چینی شہریوں کی فیملیز کیلئے معاوضے کی منظوری دیدی،لواحقین کو سرکاری طور پر 11.6 ملین ڈالر بطور خیرسگالی معاوضہ ادا کیا جائیگا۔

ای سی سی اعلامیہ  کے مطابق ربی سیزن کیلئے یوریا کھاد کی ضروریات کا بھی جائزہ لیا گیا، ایس این جی پی ایل سے وابستہ فاطمہ فرٹیلائزر اور ایگری ٹیک کو مارچ تک گیس کی فراہمی کی منظوری دیدی ، اس عرصے کے دوران پلانٹس کو 839 روپے فی ایم ایم بی ٹی یو پر گیس ملے گی۔ ای سی سی نے 5 جی سپیکٹرم کیلئے مشاورتی کمیٹی قائم کرنے کی بھی منظوری دیدی ہے۔

ای سی سی نے پاکستان موبائل کمیونیکیشن لمیٹڈ کے سیلولر لائسنس کی رینیوئل کی بھی منظوری دیدی، ای سی سی اعلامیہ میں کہا گیا ہے کہ  نئی مردم و خانہ شماری کیلئے 5 ارب روپے کی گرانٹ کی منظوری دیدی ، ایف بی آر کیلئے 4 ارب روپے کے فنڈز کی منظوری بھی دیدی۔اسلام آباد انتظامیہ کے منضوبوں کیلئے 7.85 کروڑ کی منظوری، ایف سی بلوچستان کے ہیلی کاپٹر کی مرمت کیلئے 6 کروڑ کی منظوری، ایف سی ہیڈکوارٹرز نارتھ کے ہیلی کاپٹر کے پرزہ جات کیلئے 30 لاکھ کی منظوری بھی دیدی گئی۔

پڑھنا جاری رکھیں

ٹرینڈنگ

Take a poll