پٹرول کے ستائے عوام کے لئے اچھی خبر 

ذرائع کا کہنا ہے کہ  حکومت اور پیٹرولیم ڈیلرز ایسوسی ایشن کے درمیان معاملات طے پاگئے ہیں،آج رات ہڑتال ختم ہونے کا امکان ہے، حکومت کی اعلی شخصیات کا سمیع خان سے رابطہ ہوا ہے۔

ذرائع کے مطابق پیٹرولیم ڈیلرز کے مطالبات پر اس وقت ڈرافٹ تیار ہورہا ہے۔ جلد ہی ہرتال ختم کرنے کا اعلان کردیا جائیگا۔

قبل ازیں ڈیلرز ایسوسی ایشن نے ملک بھر میں ہڑتال جاری رکھنے کا اعلان کیا تھا، ،ملک بھر میں پیٹرول پمپس کی بندش مارجن میں اضافے تک جاری رہے گی۔

خیال رہے کہ پٹرولیم ڈیلرز ایسوسی ایشننے مارجن 6 فیصد بڑھوانے کیلئے 25 نومبر سے ہڑتال کا اعلان کررکھا ہے۔ ترجمان کا کہنا تھاکہ 25 نومبر کو کشمیر، گلگت بلتستان سمیت ملک بھر میں تمام پیٹرول پمپس بند رہیں گے۔