ملک کو مزید تباہی سے بچانے کیلئے قبل ازوقت الیکشن کروائے جائیں ،احسن اقبال

 مسلم لیگ ن کے سیکرٹری جنرل احسن اقبال نے میڈیا سے گفتگو کرتے ہوئے کہا کہ  یہ ثابت ہوگیا ہے کہ حکومت کی نااہلی کی ساز ہر پاکستانی کو مل رہی ہے، گندم کے بحران  کی وجہ حکومت کو گندم باہر کے ممالک کو گندم ایکسپورٹ کرنا ہے، کسی حکومت میں اتنے قرضے نہیں لئے گئے جتنے موجودہ حکومت نے 39ماہ میں لئے ہیں،  16 ہزار ارب روپیہ کا قرض آنے والی حکومت کیلئے پھانسی کا پھندا ہے۔

احسن اقبال نے کہا کہ ہر شعبے کے اندر حکومت کی کرپشن پائی جارہی ہے، عمران نیازی نے مافیاز کو کھلی چھٹی دے رکھی ہے، عمران خان نے مافیا کو بلینک چیک دیا ہو ہے، ملک کو مزید تباہی سے بچانے کیلئے قبل ازوقت الیکشن کروائے جائیں۔ احسن اقبال  کا کہنا تھا کہ  آج غریب لوگ مہنگائی باعث بلک رہے ہیں، عمران خان کا احتساب کیا جاے کیونکہ انہوں نے عوام کو سہانے خواب دیکھائے تھے، جب تک عمران خان استعفی نہیں دے دیتے پی ڈی ایم کی کوششیں جاری رہیں گی۔