سابق آسٹریلوی لیگ اسپنر شین وارن حادثے میں زخمی

آسٹریلوی میڈیا کے مطابق 52 سالہ  لیگ اسپنر شین وارن موٹر سائیکل حادثے میں زخمی ہو گئے ہیں، گزشتہ روز پیش آنے والے موٹر بائیک حادثے میں شین وارن کا پاؤں ٹوٹنے سے بال بال بچ گیا ۔ 

آسٹریلوی میڈیا کے مطابق  شین وارن اپنے بیٹے جیکسن کے ساتھ 300 کلو وزنی موٹر سائیکل چلا رہے تھے، حادثے میں شین وارن 15 میٹر تک گھسیٹے گئے جبکہ اُن کا بیٹا  خوش  قسمتی سے اس حادثے میں محفوط رہا ۔ 

واضح رہے کہ2019ء میں سابق مایہ ناز لیگ  اسپنر  پر تیز  گاڑی چلانے  پر  ایک سال ڈرائیونگ نہ کرنے کی پابندی عائد کی گئی تھی ۔ 145 ٹیسٹ میچز اور  708 وکٹیں لینے والے آسٹریلوی کھلاڑی شین وارن نے اعتراف کیا تھا کہ  انہوں نے گزشتہ برس 23 اگست کو ویسٹ لندن کے علاقے کنگسٹن میں 40 میل فی گھنٹہ کی حد رفتار کو توڑا اور 47 میل فی گھنٹہ کی رفتار سے گاڑی چلائی۔

شین وارن پر اپریل 2016 سے اب تک 6 مرتبہ تیزرفتاری سے ڈرائیونگ کرنے کا الزام لگ چکا ہے۔