بزدل  آدمی کبھی لیڈر نہیں بن سکتا:وزیراعظم

تفصیلات کے مطابق جہلم کی تحصیل سوہاوہ میں القادر یونی ورسٹی کی تقریب سے خطاب کرتے ہوئے وزیراعظم عمران خان نے کہا کہ سیاست میں جتنے لوگ پہلے آئے انہیں کوئی نہیں جانتا تھا ، مجھے لوگ سیاست میں آنے سے پہلےسے جانتے ہیں۔

وزیراعظم کا کہنا تھا کہ بدقسمتی سےکلونیل ازم کی وجہ سے مسلمان دنیا میں ذہنی غلام ہیں، ہمارے نظامِ تعلیم میں فرق ہماری ترقی میں سب سے بڑی رکاوٹ بنا، سیرت النبیﷺ پر عمل کے بغیر ہم کسی مقام کو حاصل نہیں کرسکتے، اسلام کے خلاف جب بھی کوئی معاملہ ہوتا ہے پاکستان سب سے پہلے کھڑا ہوتا ہے۔

انہوں نے کہا کہ عظیم قوم بننے کے لیے عظیم کردار چاہیے، سچا اور انصاف کرنے والا ہی بڑا لیڈر بن سکتا ہے، ایماندار شخص بہت سی پابندیوں سے آزاد ہوتا ہے۔

وزیراعظم عمران خان نے کہا کہ گزشتہ دنوں ایک کانفرنس ہوئی جس کا مہمان خصوصی وہ آدمی تھا جس کو عدالتوں نے سزادی ، مدینہ کی ریاست میں  لیڈروں کی بارش تھی  کیونکہ وہ بلا خو ف سرگرم تھے ، بزدل  انسان لیڈر شپ کرہی نہیں سکتا کرپشن کوبرا نہیں سمجھیں گے تو معاشرہ بہتر نہیں ہوگا ، خود غرض آدمی  کبھی  قائد  نہیں بن سکتاوہ اپنی ذات سے اوپر سوچتاہے ، ملک میں  چوری کرنے والا لیڈر شپ نہیں کرسکتا وہ معاشرے کونقصان پہنچاتاہے ۔ 

ان کا کہنا تھا کہ ہمارا طبقاتی نظام تعلیم و ترقی کی راہ میں رکاوٹ ہے، ملک میں سب سے بڑا مسئلہ مغربی ثقافت کا عام ہونا ہے، مغربی ثقافت روحانی طور پر زوال پذیر ہورہا ہے ،مغرب میں چرچز بند ہورہے ہیں ،نوجوانوں کی رہنمائی نہیں کی جارہی۔ ہم سوشل میڈیا کو روک نہیں سکتے لیکن بچوں کو اچھے برے کی تمیز سکھا سکتے ہیں ،لوگوں کو عام زبان میں سیرت النبی صلی اللّٰہ علیہ وآلہ وسلم کا پیغام دیں گے۔

وزیراعظم  نے کہا کہ پاکستان کو اس وقت یونیورسٹیوں میں تحقیق کی ضرورت ہے، میں پرائم منسٹر یونیورسٹی بنا رہا ہوں جو دنیا کی اعلیٰ یونیورسٹی ہوگی،  مغرب آج   سیرت  ﷺ پرریسرچ کررہاہے کیونکہ وہاں   فتویٰ  لگ جانے کا ڈر نہیں۔

وزیراعظم نے مزید کہاکہ بچوں اور  نوجوانوں کو بہترین  سرگرمیوں کے لیے چوائس دیاجائے، بچوں  اورنوجوانوں  کی سرگرمیوں  کی  نگرانی لازمی ہے، موبائل فون انقلاب ضرور  لایا  لیکن   اخلاقی طور پر  نوجوانواں کو کمزورکرنے میں کردار اداکررہا ہے۔